အီရန်ရဲ့ အကြီးဆုံး ရေတပ်သင်္ဘောဟာ အိုမန်ပင်လယ်ကွေ့ထဲမှာ မီးလောင်အပြီး ဇွန် ၂ရက်က နစ်မြုပ်ခဲ့ပေမဲ့ သင်္ဘောပေါ် ပါသူအားလုံး ဘေးကင်းကင်း ကယ်နိုင်ခဲ့တယ်လို့ အီရန် မီဒီယာက ဖော်ပြပါတယ်။

ဒေသတွင်း အထိခိုက် မခံတဲ့ ရေလမ်းကြောင်းထဲမှာ ဖြစ်ခဲ့တဲ့ ဖြစ်ရပ်အတွက် ထပ်ပြီး ရှင်းပြတာမရှိသေးပါဘူး။ 

ပြိုင်ဘက် ရန်သူတွေဖြစ်တဲ့ အီရန်နဲ့ အစ္စရေးတို့ကြား သူတို့ပိုင်တဲ့ သင်္ဘောတွေ တိုက်ခိုက်ခံ ရတယ်လို့ အပြန်အလှန် စွပ်စွဲတာတွေလည်း ရှိနေခဲ့ပါတယ်။

 စစ်သင်တန်း ပေးနေတဲ့ အီရန်ရေတပ်ရဲ့ အကြီးဆုံးသင်္ဘောဟာ ဂျက်စ်ခ်မြို့ ဆိပ်ကမ်းနားမှာ မနေ့ မနက် ၂ နာရီ ၂၅မိနစ်က စပြီး မီးလောင်ခဲ့တာလို့ အစိုးရ ရုပ်သံက ပြောပါတယ်။

 ဟော်မုဇ် ရေလက်ကြားနဲ့ ဆက်နေတဲ့ အိုမန်ပင်လယ်ကွေ့ဟာ ကမ္ဘာ့ရေနံ ငါးပုံတပုံ ဖြတ်သန်းရာ နေရာလည်း ဖြစ်ပါတယ်။