မြောက်ကိုရီးယားဆိုင်ရာ အမေရိကန်အထူးသံတမန် တောင်ကိုရီးယားရောက်ရှိ
5
မြောက်ကိုရီးယားဆိုင်ရာ အမေရိကန်အထူးသံတမန် ကင်ဆောင်းဟာ တောင်ကိုရီးယားနိုင်ငံ အင်ချုံနိုင်ငံတကာ လေဆိပ်ကို ဇွန် ၁၉ ရက်မှာ ရောက်လာပါတယ်။
သံတမန် တာဝန်ကို အရင်လက စတင် လက်ခံအပြီး ပထမဆုံး တောင်ကိုရီးယား ခရီးစဉ် လည်းဖြစ်ပြီး မြောက်ကိုရီးယားအရေးကို ဂျပန်၊ တောင်ကိုရီးယား အထူးသံတမန်တွေနဲ့ အတူ ဇွန် ၂၁ ရက်မှာ ဆွေးနွေးဖို့ စီစဉ်ထားပါတယ်။
ဇွန် ၂၃ ရက်မှာပြီးဆုံးမယ့် သူ့ရဲ့ ၅ ရက်ကြာခရီးစဉ်အတွင်း တောင်ကိုရီးယား အရာရှိတွေနဲ့လည်း တွေ့ဆုံ ဆွေးနွေးမှာပါ။
မြောက်ကိုရီးယားဟာ အမေရိကန်နဲ့ ဆွေးနွေးဖို့ရော ထိပ်တိုက် တွေ့ဖို့ပါ ပြင်ဆင်ထားသင့်တယ်လို့ မြောက်ကိုရီးယားခေါင်းဆောင် ကင်ဂျုံအန်းက ပြောကြောင်း မြောက်ကိုရီးယားအစိုးရမီဒီယာ KCNA က ဇွန် ၁၈ရက်မှာ ဖော်ပြပါတယ်။
