စစ်ကိုင်းတိုင်း၊ ယင်းမာပင်မြို့နယ်မှာ ကိုဗစ်-၁၉ ပိုး​တွေ့လူနာ များပြား​နေတာ​ကြောင့် ​နေရာ အခက်အခဲဖြစ်နေပြီး Test Kit မလုံလောက်တာကြောင့် ​ဆေးစစ်ဖို့လာသူ အားလုံးကိုလည်း စစ်မ​ပေးနိုင်ဖြစ်​နေတယ်လို့ သိရပါတယ်။

လူမှုကူညီ​ရေးအသင်း တာဝန်ရှိသူတစ်ဦးက ​"​ဆေးရုံကြီးမှာ​တော့ ဆရာဝန်ကြီးအပါအဝင် ကျန်းမာ​ရေးဝန်ထမ်း ၇ ဦး​လောက်ပဲရှိတာဆို​တော့ ​ဆေးစစ်မှုအပိုင်းက​တော့ ​နေ့တိုင်းလုပ်မ​ပေးနိုင်တာ​တွေ့ရသလို ပိုး​တွေ့လူနာ ထားစရာ​နေရာလည်း အခက်အခဲ​တွေဖြစ်​နေတာ​တွေ့ရတယ်” လို့ ​ပြောပါတယ်။ 

ဒါ့အပြင် ​အောက်ဆီဂျင်အခက်အခဲ​နဲ့ လူနာတွေကို ​ဆေးရုံ​၊ ဆေးခန်း​တွေကို သွားပို့ရာမှာလည်း လက်မခံတာကြောင့် အခက်အခဲကြုံနေကြတယ်လို့ ဆိုပါတယ်။

“မုံရွာ​​မြို့မှာသွားရင်လည်း လက်မခံတာ​တွေရှိ​တယ်။ စစ်​ဆေးတဲ့​နေ့​မှာလည်း ၆၇ ဦး စစ်​ဆေးတုန်းက ၄၀ ​ကျော်ပိုး​တွေ့​နေတာဆို​တော့ စစ်​ဆေးတဲ့ဦး​ရေ ထက်ဝက်​ကျော်​က ပိုး​တွေ့​နေတာ။ စစ်​ဆေးတဲ့ Test Kit အလုံအ​လောက်မရှိတာနဲ့ လုပ်​ပေးတဲ့သူ နည်းတာ​ရောဆို​တော့ အများကြီးမစစ်နိုင်ကြဘူး။ များများစစ်ရင် များများ ပိုး​တွေ့နိုင်မှာ​ပေါ့။ ကျ​နော်တို့သိရ​သ​လောက် နေအိမ်​တွေမှာတင် ​သေဆုံးသွားတဲ့သူ ၆ ဦး​လောက်ရှိပြီး နယ်​တွေဘက်မှာလည်း အသက်ရှုကြပ်ပြီး ​သေဆုံး​နေတာ​တွေ ​တွေ့​နေရတယ်။"

ယင်းမာပင်​မြို့နယ် ပြည်သူ့ဆေးရုံမှာ ၅ ရက် ၁ ကြိမ် ကိုဗစ်​-၁၉ ပိုးစစ်​ဆေးမှု ပြုလုပ်နိုင်ပြီး လက်ရှိအချိန်ထိ ဆေးရုံမှာ ကိုဗစ်-၁၉ ပိုး​တွေ့လူနာ ၈၀ ဝန်းကျင်ရှိတာကြောင့် ​နေရာအကျပ်အတည်းဖြစ်​နေတာလို့ ဆိုပါတယ်။