ပုသိမ်မြို့မှာ ဇူလိုင် ၇ ရက်နေ့က ကိုဗစ်-၁၉ အတည်ပြုလူနာ ၄၉ ဦး ထပ်မံသေဆုံးခဲ့ပြီး စုစုပေါင်း သေဆုံးသူ ၂၉၂ ဦးရှိပြီလို့ သိရှိရပါတယ်။

ဆေးရုံကြီးက ၁၃ ဦး၊ မဆရ-၄ တောင်ပေါ်‌ဆေးရုံက ၂ ဦး၊ နေအိမ်တွေက ၃ေ ဦး ပေါင်း‌ ၄၉ ဦးရှိ​ကြောင်း သိရှိရပါတယ်။

ပုသိမ်မြို့ခံ တစ်ဦးက “​ဆေးရုံမှာ ​ဆေးဝါး လိုအပ်ချက်လည်း ရှိတယ်၊ ညဘက်အချိန်​တွေမှာဆို ​ဆေးဝါးရဖို့ အခက်အခဲ​တွေလည်း ဖြစ်တယ်။ ​အောက်ဆီဂျင် လိုအပ်ချက် တ​နေ့ထက်တ​နေ့ ပိုများလာတယ်။ ရန်ကုန်မှာ ပရဟိတအဖွဲ့​တွေ သွားတန်းစီယူ​ပေးတာ လုပ်တယ်၊ ​အောက်ဆီဂျင်​ကြောင့် ​သေရတာများတယ်။ စီမံခန့်ခွဲမှုအမှား​တွေ များလို့ ​သေဆုံးရတာ” လို့ ​ပြောပါတယ်။

ပုသိမ်မြို့မှာ ကိုဗစ်လူနာတွေအတွက် အလှူရှင်တွေက ​အောက်ဆီဂျင် လှူ​ပေးတာ၊ ရန်ကုန်မှာ သွား​ရောက်ပြီး ​အောက်ဆီဂျင်ဖြည့်ပြီး ပြန်​ပေး​ဝေတာတွေ လုပ်​ဆောင်​ပေး​နေ​ကြတယ်လို့ သိရပါတယ်။

ပုသိမ်မြို့မှာ ​အောက်ဆီဂျင်ထုတ်စက်ရုံ တည်​ဆောက်နိုင်ဖို့ ပြည်သူတွေက အလှူ​ငွေ​ကောက်ခံပြီး လုပ်​ဆောင်​နေ​ကြတယ်လို့ သိရပါတယ်။

ပုသိမ်မြို့မှာ ကိုဗစ်တတိယလှိုင်းကာလ ဇူလှိုင် ၁ ရက်​ကနေ ၁၇ ရက်​နေ့အထိ ကိုဗစ်-၁၉ ကြောင့် သေဆုံးသူ စုစုပေါင်း ၂၉၂ ဦးရှိပြီလို့ သိရပါတယ်။