အာဏာသိမ်းစစ်ကောင်စီနဲ့ တရုတ်တို့ရဲ့  ဆက်ဆံရေးကို ဝေဖန်ထားတဲ့ မြန်မာနိုင်ငံက ဖေ့စ်ဘွတ်ခ်သုံးစွဲသူတဦးရဲ့ပို့စ်ကို အစောပိုင်း ဖြုတ်ချခဲ့ရာကနေ ပြန်ယူတင်ဖို့ ဖေ့စ်ဘွတ်ခ် ကြီးကြပ်ရေးဘုတ်အဖွဲ့က အမိန့်ပေးလိုက်ပါတယ်။ 

တရုတ်လူမျိုးတွေအပေါ် လူမျိုးရေး အမုန်းစကားဆိုင်ရာ မူဝါဒတွေကို ချိုးဖောက်တယ်ဆိုပြီး အစောပိုင်းက အဲ့ဒီပို့စ်ကို အစောပိုင်းက ဖြုတ်ချခဲ့ပေမယ့် ဒီအသုံးအနှုန်းဟာ တရုတ်အစိုးရကို နိုင်ငံရေးဝေဖန်မှုအဖြစ် ပိုပြီးသင့်တော်တယ်တယ်လို့ ရှုမြင်ကြောင်း ကြီးကြပ်ရေး ဘုတ်အဖွဲ့က တွေ့ရှိခဲ့တာပါ။  

ပို့စ်ထဲက “$တရုတ်” ဆိုတဲ့ စကားလုံးကို ဖေ့စ်ဘွတ်ခ် စိစစ်သူတွေက တရုတ်လူမျိုးတွေကို ဆဲရေးတိုင်းထွာတဲ့ စကားလုံးအဖြစ် ဘာသာပြန်ခဲ့ပြီး ဒါကို ဖေ့စ်ဘွတ်ခ်ပလက်ဖောင်းရဲ့ အသိုင်းအဝိုင်းစံတန်ဖိုး အောက်မှာ အမုန်းစကား အဆင့် ၂ လို့ ခွဲခြား သတ်မှတ်ခဲ့ပါတယ်။ 

ဖေ့စ်ဘွတ်သုံးစွဲသူက သူ့ရဲ့ပို့စ်ဟာ ရွေးကောက်ခံ ခေါင်းဆောင်တွေကို အကြံပြုချက်လို့ ဖော်ပြပြီး ဒီဆုံးဖြတ်ချက်ကို အယူခံဝင်ပြီး ဒီပို့စ်ကို မြန်မာဘာသာစကား နားလည်တဲ့သူ တစ်ဦးက ပြန်လည်သုံးသပ်သင့်တယ် လို့ ပြောလိုက်ပါတယ်။ 

ပို့စ်ကို ပြန်လည်သုံးသပ်ပြီးနောက်မှာတော့ ကြီးကြပ်ကွပ်ကဲမှု ဘုတ်အဖွဲ့ဟာ သုံးစွဲသူဘက်မှ ရပ်တည်ခဲ့ပြီး၊ ဒီပို့စ်ဟာ တရုတ်လူမျိုးတွေထက် တရုတ်နိုင်ငံရဲ့ဩဇာလွှမ်းမိုးမှုကို ဝေဖန်ထားတာ တွေ့ရှိရတာကြောင့် ပို့စ်ကို ပြန်တင်ခွင့်ပြုဖို့ ဆုံးဖြတ်ချက်ကို ဩဂုတ်လ ၁၁ ရက်နေ့ မနက်မှာ ထုတ်ပြန်ခဲ့ပါတယ်။

ဖေ့စ်ဘွတ်ခ်ဟာ မြန်မာနိုင်ငံတွင်း လူမျိုးရေးအကြမ်းဖက်မှုကို ကျယ်ကျယ်ပြန့်ပြန့် မီးထိုးပေးနေတယ်လို့ စွပ်စွဲခံထားရပါတယ်။  ဖေဖော်ဝါရီလက စစ်တပ် အာဏာသိမ်းပြီးနောက်မှာ ဖေ့စ်ဘွတ်ခ်ကို မြန်မာနိုင်ငံအတွင်းမှာ သုံးစွဲခွင့် ခေတ္တပိတ်ထားခံရပြီး သုံးခွင့်ပြန်ရတဲ့အခါ အရေးပေါ် ထိန်းညှိတဲ့ အစီအမံများစွာကို စတင်လုပ်ဆောင်ခဲ့ရတာပါ။ 

အောက်တိုဘာလမှာ တရားဝင် စတင်ခဲ့တဲ့ ဘုတ်အဖွဲ့မှာ မြန်မာနိုင်ငံမှ အဖွဲ့ဝင်တယောက်မှ မပါ၀င်ပေမယ့် ထိုင်ဝမ်နဲ့အင်ဒိုနီးရှားမှ ပြည်တွင်းဘာသာရပ် ရေးရာ ကျွမ်းကျင်သူတွေ ပါဝင်ပါတယ်။ ဒါဟာ ဘုတ်အဖွဲ့ရဲ့ အများသိတဲ့  ၁၄ ကြိမ်မြောက်ဆုံးဖြတ်ချက်ဖြစ်ပါတယ်။