ဖိလစ်ပိုင်၊ မြန်မာ၊ အင်ဒိုနီးရှား၊ ဗင်နီဇွဲလားနဲ့ လတ်ဗီးယားနိုင်ငံတွေဟာ  သင်္ဘောသားတွေ အတွက် ကိုဗစ်-၁၉ ကာကွယ်ဆေးတွေ အပြည့်အဝထိုးနှံခွင့်ရဖို့   အကြီးဆုံးမားဆုံးစိန်ခေါ်မှုနဲ့ ကြုံနေရတဲ့ ဒေသတွေဖြစ်တယ်လို့ ကမ္ဘာ့ထိပ်တန်းသင်္ဘောကုမ္ပဏီတွေက သတ်မှတ်ထားပါတယ်။

Global Maritime Forum ကနေ လုပ်ဆောင်ခဲ့တဲ့ Neptune Declaration Crew Change Indicator အတွက် အချက်အလက်တွေကို ပံ့ပိုးပေးတဲ့ ကမ္ဘာ့ငါးဖမ်းသင်္ဘောကုမ္ပဏီကြီး ဆယ်ခုက ဒီ ၅ နိုင်ငံကို ရွေးထုတ်ထားတာပါ။ 

လက်ရှိသင်္ဘောပေါ်မှာ အလုပ်လုပ်နေကြတဲ့ သင်္ဘောသား ၉၀၀၀၀ ကျော်နဲ့ ပေါင်းစပ်လုပ်ကိုင်နေတဲ့ သင်္ဘောကုမ္ပဏီ ၁၀ မှ နောက်ဆုံးရရှိတဲ့ အချက်အလက်တွေအရ ဝန်ထမ်း ၁၅ ဒသမ ၃ ရာခိုင်နှုန်းသာ ကာကွယ်ဆေးထိုးထားတယ်လို့ ပြနေပါတယ်။ 

နှိုင်းယှဉ်ကြည့်ရရင် ဥရောပ၊ မြောက်အမေရိကနဲ့ အာရှက သင်္ဘောကုမ္ပဏီနိုင်ငံကြီးတွေမှာ ကိုဗစ် -၁၉  ကာကွယ်ဆေးအပြည့်အ၀ပေးထားတဲ့ဝေစုက ၅၀ ရာခိုင်နှုန်း လောက် ရှိပါတယ်။ 

သင်္ဘောသားတွေကို အဓိကလုပ်သားတွေအဖြစ် အသိအမှတ်ပြုပြီး ကိုဗစ်-၁၉ ကာကွယ်ဆေးတွေကို ဦးစားပေး ထိုးခွင့်ပေးရမှာ ဖြစ်ကြောင်းနဲ့ ဒါဟာ သင်္ဘောသားတွေရဲ့ သာယာဝပြောရေးနဲ့ ကမ္ဘာလုံးဆိုင်ရာ ထောက်ပံ့ရေးကွင်းဆက်တွေရဲ့ လည်ပတ်မှုကို ကာကွယ်ဖို့ အဓိကသော့ချက်ပဲ” လို့ Global Maritime Forum က အဖွဲ့အစည်းဆိုင်ရာ မဟာဗျူဟာနဲ့ ဖွံ့ဖြိုးတိုးတက်ရေး အကြီးအကဲက ပြောပါတယ်။