နောက်ခံလူဖီးလ်ဂျုံးစ်ကို ရောင်းချမည်မဟုတ်ဘဲ ဆက်ထိန်းထားမည်ဟု နည်းပြဆိုးလ်ရှားပြော
မန်ယူအသင်းဟာ နောက်ခံလူ ဖီးလ်ဂျုံးစ်ကို ရောင်းချမှာမဟုတ်ဘဲ အသင်းမှာဆက်ထိန်းထား တော့မယ်လို့သိရပါတယ်။
နည်းပြဆိုးလ်ရှားအနေနဲ့ အဓိက ဗဟိုနောက်ခံလူတွေ ဒဏ်ရာပြဿနာတွေနဲ့ ကြုံတွေ့ခဲ့ရပါက အခက်အခဲမရှိစေဖို့အတွက် ဖီးလ်ဂျုံးစ်ကို ၅ ယောက်မြောက် ဦးစားပေး နောက်ခံလူအဖြစ် သတ်မှတ်ထားတယ်လို့ သိရပါတယ်။
ယူနိုက်တက်အသင်းဟာ ရီးရဲလ်မက်ဒရစ်အသင်းက ပြင်သစ်နောက်ခံလူ ဗာရန်းကို ခေါ်ယူခဲ့ပြီးနောက် မက်ဂွဲယား၊ လင်ဒီလော့ဖ်၊ အဲရစ်ဘိုင်လေတို့နဲ့ နေရာ အပြိုင်လုရမှာဖြစ်ပါတယ်။
ဖီးလ်ဂျုံးစ်ကတော့ အဲဒီနောက်ခံလူလေးဦးရဲ့ နောက်မှာ အသင့်အနေအထားနဲ့ ပွဲထွက်ခွင့်ရဖို့ ကြိုးပမ်းသွားရမှာဖြစ်တယ်လို့သိရပါတယ်။
အင်္ဂလန်နောက်ခံလူ ဖီးလ်ဂျုံးစ်ဟာ သူ့ရဲ့ ကျောနံပါတ် ၄ ကို နောက်ခံလူသစ် ဗာရန်းက လွှဲပြောင်းရယူဖို့ ကမ်းလှမ်းခဲ့ပေမယ့် ပယ်ချခဲ့ပြီး ဗာရန်းအနေနဲ့ ကျောနံပါတ်၁၉ ကိုပဲ ရွေးချယ်ခဲ့ရတာ ဖြစ်ပါတယ်။
ဖီးလ်ဂျုံးစ်ဟာ မန်ယူအသင်းက ဘန်လေကို ၃ ဂိုး ၁ ဂိုးနဲ့အနိုင်ရခဲ့တဲ့ ကွင်းပိတ်ခြေစမ်းပွဲမှာ မိနစ်၃၀ ဝင်ကစားခဲ့ပြီး ဒူးဒဏ်ရာကြောင့် အနားယူခဲ့ရတဲ့ ၁၉ လအတွင်းမှာ ပထမဆုံး ကစားခွင့်ရခဲ့တာဖြစ်ပါတယ်။
