ဩဂုတ် ၁၄  ရက် မနေ့ညက ကန်သွားတဲ့  ပရီးမီးယားလိဂ်အဖွင့်ပွဲစဉ်တွေမှာ   မန်ယူနိုက်တက်၊ ချဲလ်ဆီးနဲ့  လီဗာပူးအသင်းတွေ အသီးသီးဂိုးပြတ်အနိုင်ရသွားပါတယ်။

မန်ယူနိုက်တက်နဲ့ လိဒ်တို့ ပွဲမှာတော့  မန်ယူက  ဖာနန်ဒတ်ဇ်ရဲ့ ဟတ်ထရစ် ၃ ဂိုးနဲ့ အတူ  ၅ ဂိုး ၁ ဂိုးနဲ့ အနိုင်ရသွားပါတယ်။ 

မန်ယူအတွက် အနိုင်ဂိုးတွေကိုတော့   ဖာနန်ဒတ်ဇ်က ပွဲချိန် မိနစ် ၃၀ ၊ ၅၄ မိနစ်၊ မိနစ် ၆၀ မှာ သွင်းပေးခဲ့တာဖြစ်ပြီး ဂရင်းဝုဒ်က ပွဲချိန် ၅၂ မိနစ်မှာ တစ်ဂိုး ၊ ဖရက်က ၆၈ မိနစ်မှာ တစ်ဂိုး သွင်းပေးခဲ့တာပါ။

လိဒ်ယူနိုက်တက်အတွက် တစ်လုံးတည်းသော ချေပဂိုးကို တော့ အိုင်လင်းက ၄၉ မိနစ်မှာ သွင်းယူပေးခဲ့ပါတယ်။ ဒီပွဲမှာ မန်ယူ ကွင်းလယ်ကစားသမား ပေါ့ဘာလည်း ခြေစွမ်းပြကစားသွားနိုင်ခဲ့ပြီး မန်ယူရတဲ့ ၅ ဂိုးမှာ ၄ ဂိုးက ပေါ့ဘာ ဖန်တီးပေးခဲ့တာဖြစ်ပါတယ်။

ချဲလ်ဆီးကလည်း ခရစ္စတယ်ပဲလေ့စ်ကို ၃ ဂိုးပြတ်အနိုင်ရသလို လီဗာပူးကလည်း နော့ဝစ်ချ်စီးတီးကို ၃ ဂိုးပြတ်အနိုင်ရပါတယ်။  တခြားပွဲစဉ်တွေမှာတော့ အဲဗာတန်က ဆောက်သမ်ပတန်ကို ၃ ဂိုး ၁ ဂိုး၊  ဘရိုက်တန်က ဘန်လေကို ၂ ဂိုး ၁ ဂိုး၊ လက်စတာကာ ဝုဒ်ကို ၁ ဂိုး ဂိုးမရှိ၊ ဝက်ဒ်ဖို့က အက်စတွန်ဗီလာကို ၃ ဂိုး ၂ ဂိုး နဲ့အသီးသီးအနိုင်ရပါတယ်။

ဒီကနေ့ တော့ တော့တင်ဟမ်ဟော့စပါးအသင်းနဲ့ မန်စီးတီး၊ နယူးကာဆယ်နဲ့ ဝက်စ်ဟမ်းအသင်းတွေ ယှဉ်ပြိုင်ကစားကြဖို့ ရှိပါတယ်။