ဖမ်းဆီးခေါ်ဆောင်ခံရသည့် မင်းကင်းမြို့နယ် ပျူစောထီးအဖွဲ့ဝင် ၂ ဦးအနက် ၁ ဦး အသတ်ခံရ
စစ်ကိုင်းတိုင်း မင်းကင်းမြို့နယ်၊ သင်တောကျေးရွာအုပ်စု ညောင်ပင်သာကျေးရွာက စစ်တပ်ကို သတင်းပေးနေတဲ့ ပျူစောထီးအဖွဲ့ဝင် ၂ ဦးကို ဩဂုတ် ၂၆ ရက်နေ့ည ၁၁ နာရီအချိန်လောက်မှာ အမည်မသိလက်နတ်ကိုင်အဖွဲ့က ဖမ်းဆီးသွားပြီးနောက် ဒီနေ့မနက် အသတ်ခံထားရတဲ့ ၁ ဦးကို ပြန်တွေ့ခဲ့တယ်လို့ ဒေသခံရွာသားတွေဆီက သိရပါတယ်။
ညောင်ပင်သာကျေးရွာသားတစ်ဦးက "ညက ၁၁ နာရီဝန်းကျင်လောက်မှာ ကိုချစ်စန်းမောင်နဲ့ကိုမျိုးသန့်ဆိုတဲ့ လူနှစ်ယောက်ကို အမည်မသိလက်နတ်ကိုင် ၇ ယောက်က ဖမ်းခေါ်သွားကြတယ်ဗျ။ ဩဂုတ် ၂၇ ရက်နေ့ နေ့ မနက်ခင်းမှာ ကိုချစ်ဆနိးမောင်အလောင်းကို ရွာမြောက်ဘက် သစ်ပင်တစ်ပင်ရဲ့အောက်မှာ တွေ့ရတယ်။ ကိုမျိုးသန့်ကတော့ သေသလား၊ ရှင်သလား မသိရသေးဘူးဗျ” လို့ ပြောပါတယ်။
ကိုချစ်ဆန်းမောင်နဲ့ ကိုမျိုးသန်းကို ဘယ်အဖွဲ့အစည်းက ဖမ်းဆီးခေါ်ဆောင်သတ်ဖျတ်တယ်ဆိုတာကိုတော့ DVB က အတည်ပြုချက်ရရှိဖို့ ဆက်လက်စုံစမ်းနေဆဲဖြစ်ပါတယ်။
