အိန္ဒိယရှိ ဖို့ဒ်မော်တော်ကားကုမ္ပဏီ ပိတ်သိမ်းမည့်အစီအစဉ် ဖျက်သိမ်းရန် လုပ်သားများ ဆန္ဒပြ

အိန္ဒိယနိုင်ငံအနောက်ပိုင်း ဂူဂျာရတ်ပြည်နယ် စာနန်းမြို့က ဖို့ဒ်မော်တာ ကားကုမ္ပဏီရဲ့ စက်ရုံအပြင် ဘက်မှာ ရာချီတဲ့ လုပ်သားတွေ စက်တင်ဘာ ၂၁ ရက်က ဆန္ဒပြခဲ့ကြပါတယ်။
စက်ရုံပိတ်မယ့်အစီအစဉ်ကို ဖျက်သိမ်းဖို့ ဒါမှမဟုတ်ရင် လုပ်သားတွေကို အလုပ်အကိုင် ဖန်တီးပေးဖို့ တောင်းဆိုခဲ့ကြပါတယ်။
နှစ်ကုန်ပိုင်းမှာ စက်ရုံပိတ်ဖို့ စီစဉ်ထားလို့ သူတို့ အသက်မွေးဝမ်းကျောင်းအလုပ်တွေ ဆုံးရှုံးလိမ့်မယ်လို့ ဝတ်စုံပြာဝတ် လုပ်သားတွေက ပြောပါတယ်။
တချိန်က အမြန်တိုးတက်နေတဲ့ ဈေးကွက်ဖြစ်တဲ့ အိန္ဒိယနိုင်ငံမှာ အကြီးစား ကားထုတ်လုပ်သူ လုပ်ငန်းရှင်တွေဟာ အရောင်းထိုင်းလာနေလို့ ဆိုင်တွေကို လတ်တလောမှာ ပိတ်နေရပါတယ်။
၁၉၉၀ ပြည့်လွန်နှစ်တည်းက အိန္ဒိယမှာ ပထမဆုံး စက်ရုံတည်ခဲ့တဲ့ ဖို့ဒ်ကားကုမ္ပဏီဟာ နိုင်ငံတွင်း ကားထုတ်လုပ်မှု ရပ်ဆိုင်းဖို့ စီစဉ်နေတယ်လို့ ဒီလအစောပိုင်းမှာ ပြောပါတယ်။
စက်ရုံမှာ ဝန်ထမ်း အယောက် ၁၂၀၀ လောက် ရှိတယ်လို့ ဖို့ဒ် အိန္ဒိယရဲ့ ပြောခွင့်ရက ကြေညာချက် ထုတ်ပြန်ပါတယ်။
ဒီဖြစ်ရပ်ဟာ အလုပ်လက်မဲ့ အကျပ်အတည်းကို ပိုဆိုးစေနိုင်ပြီး အလုပ်အကိုင် ဖန်တီးပေးမယ် ဆိုတဲ့ ကတိနဲ့ အာဏာရလာတဲ့ ဝန်ကြီးချုပ် နရင်ဒြာမိုဒီ အစိုးရအတွက် အကြီးစား စိန်ခေါ်မှုလည်း ဖြစ်လာနေပါတယ်။