အာဖဂန်နစ္စတန်နိုင်ငံ မြို့တော်ကဘူးလ်က ဗလီအနားမှာ  ပေါက်ကွဲမှုကြောင့် အရပ်သား အတော်များများ သေဆုံးခဲ့ပြီနောက်  တာလီဘန် လက်နက်ကိုင်တွေ အောက်တိုဘာ ၃ ရက်က စောင့်ကြပ်နေတယ်လို့ တာလီဘန် ပြောခွင့်ရ ဇာဘီဟူလာ မူဂျာဟစ်က ပြောပါတယ်။

ဝတ်ပြုပွဲအခမ်းအနား ကျင်းပဖို့ ပြင်ဆင်နေတဲ့ အိဒ်ဂါဗလီဝင်ပေါက်အနားက လမ်းပေါ်မှာ ပေါက်ကွဲခဲ့တာလို့ တာလီဘန် သတင်းရင်းမြစ်က ရိုက်တာကို ပြောပါတယ်။

သေဆုံး ဒဏ်ရာရသူ အရေအတွက်ကို မူဂျာဟစ်က ရှင်းရှင်းလင်းလင်း မပြောသလို ပေါက်ကွဲရတဲ့ အကြောင်းရင်းကို ချက်ချင်း မသိရသေးပါဘူး။

ဘယ်သူကမှဖောက်ခွဲမှုအတွက် တာဝန်ခံကြောင်း မကြေညာသေးပါဘူး။ သေဆုံးသူ အားလုံး အရပ်သားတွေလို့ သတင်းရင်းမြစ်က ပြောပါတယ်။

အိုင်အက်စ်စစ်သွေးကြွတွေကတော့  နိုင်ငံအရှေ့ပိုင်း ဂျလာလာဘတ်မြို့က ဗုံးခွဲ တိုက်ခိုက်မှုတွေအတွက် သူတို့ တာဝန်ယူတယ်လို့ လတ်တလောမှာ အခိုင်အမာ ကြေညာထားပါတယ်။