ထိုင်းနိုင်ငံအလယ်ပိုင်း လုပ်ပူရီခရိုင်ထဲမှာ ဒီနေ့မနက်က လေကြောင်းတိုက်ခိုက်မှုလေ့ ကျင့်ရေး တိုက်လေယာဉ် ၁ စီး ပျက်ကျပြီး လေသူရဲ ၁ ဦး ပြင်းစွာ ဒဏ်ရာရသွားပါတယ်။

လေတပ် အမှတ် ၂၁ ပိုင် 18 (F-5) အမျိုးအစားဖြစ်တဲ့ တိုက်လေယာဉ်ဟာ ဥဘွန်းရာ့ချ်ဌာနီကနေ ပျံသန်းလာပြီး လုပ်ပူရီခရိုင် ချိုင်းပါးဒန်းမြို့နယ်ရှိ လေကြောင်းတိုက်ခိုက်ရေး လေ့ကျင့်ရေးကွင်းအနီးမှာ အနိမ့်ပျံသန်းစဉ် ဒီနေ့မနက် ၁၁ နာရီလောက် ပျက်ကျသွားခဲ့တာလို့ ထိုင်းလေတပ်ဌာနချုပ်ပြောခွင့်ရ ဗိုလ်မှူးကြီး ပရဖတ် ဆွန်ကျိုင်ဒီက သတင်းထောက်တွေကို အတည်ပြုပြောပါတယ်။

လေယာဉ်မောင်းနှင်သူမှာ လေကြောင်းပစ်ခတ်တိုက်ခိုက်မှုလေ့ကျင့်နေစဉ် မတော်တဆဖြစ်ခဲ့ကြောင်း၊ အသက်အန္တရာယ် ဘေးကင်းဖို့ ဆေးရုံကနေ အစွမ်းကုန်ကုသပေးနေတယ်လို့ ဆိုပါတယ်။ 

လေကြောင်းတိုက်ခိုက်မှု လေ့ကျင့်ရေးသင်တန်းကို နိုဝင်ဘာ ၂ ရက်နေ့က  လေတပ်ဗိုလ်ချုပ်ကိုယ်တိုင် အခမ်းအနားနဲ့  သွားရောက်ဖွင့်လှစ်ပေးခဲ့တယ်လို့ သိရပါတယ်။ ကိုးကား - https://www.bangkokbiznews.com/news/975459