စစ်ကိုင်းတိုင်း၊ မင်းကင်းမြို့နယ်၊ အနောက်တောရွာအနီး ချင်းတွင်းမြစ်အတွင်းမှာ ကျောက်စိမ်းသယ်ဆောင်လာတဲ့ စစ်ကောင်စီရဲ့ ရေယာဉ်အုပ်စုကို   ဒီဇင်ဘာလ ၁၀ ရက် မနက် ၇ နာရီ ကျော်လောက်က တိုက်ခိုက်ခံခဲ့ရတယ်လို့ သိရပါတယ်။

ပြည်သူ့ဘဏ္ဍာ (ကျောက်စိမ်း) များတင်ဆောင်လာတဲ့ ရေယာဉ်အုပ်စုကို မင်းကင်းမြို့နယ် PDF ‌တပ်ရင်း (၁)ရဲ့တပ်ခွဲ(၃)နဲ့ MinGin Tiger အဖွဲ့တို့ပူးပေါင်းပြီး လက်နက်ကြီးနဲ့ တိကျပိုင်နိုင်စွာပစ်ခတ်နိုင်ခဲ့တယ်လို့ ထုတ်ပြန်ထားပါတယ်။

ပစ်ခတ်မှုကြောင့် စစ်ကောင်စီတပ်သားတွေ အထိအခိုက်ရှိနိုင်ပြီး ပြည်သူ့ကာကွယ်ရေးအဖွဲ့တွေကတော့ အထိအခိုက်မရှိ ပြန်လာနိုင်ခဲ့ကြတယ်လို့ ဆိုပါတယ်။

ဒီဇင်ဘာ ၉ ရက်နေ့ကလည်း ချင်းတွင်းမြစ်အတွင်း ကျောက်စိမ်းသယ်ဆောင်လာတဲ့ စစ်ကောင်စီရဲ့ ရေယာဉ် တိုက်ခိုက်ခံခဲ့ရပါသေးတယ်။