အိမ်တွင်းအကြမ်းဖက်မှုကို ပုပ်ရဟန်းမင်းကြီး ပြင်းထန်စွာရှုတ်ချ
3
အမျိုးသားတွေ သူတို့ရဲ့ အိမ်ထောင်ဖက်အပေါ် အိမ်တွင်းအကြမ်းဖက်မှု ကျူးလွန်တာဟာ ဆာတန်မာရ်နတ် လောက်နီးပါး ဆိုးယုတ်တဲ့ လုပ်ရပ်လို့ ပုပ်ရဟန်းမင်းကြီး ဖရန်စစ်က ခိုင်းနှိုင်း ပြောဆိုလိုက်ပါတယ်။
အီတလီ နိုင်ငံက TG5 ရုပ်သံကွန်ရက်မှာ ဒီဇင်ဘာ ၁၉ ရက်က ထုတ်လွှင့်တဲ့ အစီအစဉ်အတွင်း ဒီလိုအကြမ်းဖက်မှုကို သူ သုံးနှုန်းဖူးသမျှ အပြင်းထန်ဆုံး စကားလုံးတချို့နဲ့ မှတ်ချက်ပေး ပြောဆိုခဲ့တာပါ။
“ဒါဟာ အရှက်ရစရာပဲ၊ သိပ်ရှက်ဖို့ ကောင်းတယ်” လို့ ပုပ်ရဟန်းမင်းကြီးက ပြောပါတယ်။ ပုပ်ရဟန်းမင်းကြီး ဖရန်စစ်ဟာ အိမ်တွင်းအကြမ်းဖက်မှုကို ဆန့်ကျင်ပြီး အကြိမ်ပေါင်းများစွာ ပြောဆိုခဲ့သူပါ။
အီတလီနိုင်ငံအတွင်း အမျိုးသမီးတွေအပေါ် အကြမ်းဖက်မှုဟာ တရက်ကို ဖြစ်ရပ် ၉၀ လောက် ရှိတယ်လို့ ရဲတွေ ထုတ်ပြန်တဲ့ ကိန်းဂဏန်းတွေက ဆိုပါတယ်။
