အမေရိကန်တွင် ရဟတ်ယာဉ်ပျက်ကျ၊ လသားကလေးအပါအဝင် လိုက်ပါသူအားလုံး အသက်ရှင်
အမေရိကန်နိုင်ငံ ပင်ဆယ်လ်ဗေးနီးယားပြည်နယ်ရဲ့ အကြီးဆုံးမြို့ ဖြစ်တဲ့ ဖီလဒယ်ဖီးယားမြို့ရဲ့ အနောက်ဘက်က ဘုရားကျောင်း အပြင်ဘက်မှာ ဇန်နဝါရီ ၁၁ ရက်က ရဟတ်ယာဉ်တစီး ပျက်ကျအပြီး လသားအရွယ် ကလေး တယောက်အပါအဝင် လူလေးယောက် အသက်ရှင် ကျန်ရစ်တယ်လို့ ရိုက်တာသတင်းမှာ ဖော်ပြပါတယ်။
ရိုက်တာသတင်းက ရိုက်ကူးထားတဲ့ ရုပ်သံထဲမှာ ဒရက်ဇယ်ဟီးလ် ယူနိုက်တက် မက်သဒစ် ခရစ်ယာန်ဘုရားကျောင်းရဲ့ အပြင်ဘက်မှာ ဆေးဘက် ရဟတ်ယာဉ်တစီးရဲ့ အပျက်အစီး အကြွင်း အကျန်တွေနဲ့ အရေးပေါ်ကားတွေ တန်းစီ ရပ်နေတာတွေ့ရပါတယ်။
ကလေးတယောက်၊ သူနာပြုနဲ့ ရဟတ်ယာဉ်မောင်း ဝန်ထမ်း ၂ ယောက် လိုက်ပါလာတဲ့ ရဟတ်ယာဉ်ဟာ ဒီဇင်ဘာ ၁၁ ရက်နေ့ မွန်းလွဲပိုင်းက ဖီလဒယ်ဖီးယား ဆေးရုံဆီအလာ ခရစ်ယာန်ဘုရားကျောင်း အရှေ့ဘက် လှေကားပေါ်ကို ပျက်ကေခဲ့တာပါ။
လိုက်ပါလာတဲ့ လေးယောက်စလုံး အသက်ဘေး ရှိလောက်တဲ့ ဒဏ်ရာတွမရဘဲ ကောင်းကောင်း ရှင်သန်ခဲ့တယ်လို့ အရာရှိတွေက ပြောပါတယ်။
“ဒါဟာ လုံးဝကို အံ့ဩစရာပဲ ရဟတ်ယာဉ် ပျက်ကျတာတောင် တယောက်မှ ဒဏ်ရာမရသလို ဘယ်သစ်ပင်မှ ဘယ်ဓာတ်ကြိုးမှ ထိခိုက်ပြိုလဲတာ မရှိခဲ့ဘူး”လို့ အပ်ပါးဒါဘီရဲဌာန ရဲအုပ်ကြီးက ဒေသခံ မီဒီယာကို ပြောခဲ့ပါတယ်။
