ဖေဖော်ဝါရီ ၆ ရက်မှာ ကျင်းပပြီးစီးခဲ့တဲ့ ၂၀၂၂ ခုနှစ် Miss Thailand အလှမယ် သရဖူကို ထိုင်း-အမေရိကန် ကပြားအလှမယ် မန်နိတာ ဒူအန်ခမ် ဖားမားက ဆွတ်ခူးရရှိသွားပါတယ်။

“မူလအစရဲ့ ပြန်လည်ရှင်သန်စေမှု”ဆိုတဲ့ ခေါင်းစဉ်နဲ့ကျင်းပတဲ့ အခုနှစ်ရဲ့ ပြိုင်ပွဲကိုတော့ စင်ထရယ်ဝေါလ်ဒ် ဘန်ကောက်မှာ ကျင်းပခဲ့ပြီး အလှမယ် မန်နိတာက နောက်ဆုံးဖိုင်နယ် အဆင့် အလှမယ် ၄ ယောက်ကို ဖြတ်ကျော်ကာ သရဖူဆုကို ရရှိခဲ့တာပါ။

အသက် ၂၅ နှစ်အရွယ် အလှမယ်ဟာ ဖူးခက်မှာ မွေးဖွားကြီးပြင်းခဲ့သူဖြစ်ကာ ဘန်ကောက် တက္ကသိုလ်က Communication Arts အထူးပြုနဲ့ ဘွဲ့ရရှိခဲ့သူ ဖြစ်ပါတယ်။

၅၃ ကြိမ်မြောက်အဖြစ်ကျင်းပတဲ့ ဒီပြိုင်ပွဲမှာ ပထမဆုံးဆွတ်ခူးရရှိသူ ဖြစ်လာခဲ့တဲ့ အလှမယ် မန်နိတာဟာ ထိုင်းနိုင်ငံရဲ့ ယဉ်ကျေးမှုနဲ့ ခရီးသွားပုံရိပ်ကို ကိုယ်စားပြုမယ့် သံတမန်တယောက်လည်း ဖြစ်လာခဲ့ပြီ ဖြစ်ပါတယ်။

ဆုကြေးအနေနဲ့ အလှမယ် မန်နိတာဟာ အလှမယ် သရဖူ၊ စလွယ်နဲ့ ငွေသားဘတ် ၈ သိန်း တန် ချက်လက်မှတ်တစောင်ကို ရရှိသွားပါတယ်။