အက်ဖ်အေဖလားပြိုင်ပွဲကနေ ထွက်ခဲ့ရတာက ဆုဖလားရဖို့အကောင်းဆုံးအခွင့်အရေး လက်လွှတ်ခဲ့ရတာဖြစ်တယ်လို့ မန်ယူနည်းပြရင်းနစ်ခ်က ပြောပါတယ်။

ဘန်လေနဲ့ ကစားမယ့် ပရီးမီးယားလိဂ်ပွဲစဉ် မတိုင်ခင်မှာ သတင်းထောက်တစ်ဦးကမေးမြန်းခဲ့ရာမှာ နည်းပြရင်းနစ်ခ်က ပြန်လည်ဖြေကြားခဲ့တာပါ။

ယူနိုက်တက်အသင်းအနေနဲ့ မစ်ဒယ်ဘရော့နဲ့ပွဲစဉ်မှာ အနိုင်ရဖို့သေချာပြင်ဆင်ခဲ့ပေမယ့် လုံ လောက်တဲ့ ပါးနပ်မှုမရှိခဲ့တာကြောင့်ရူံးနိမ့်ခဲ့ရပြီး ဆုဖလားရနိုင်မယ့်အခွင့်အရေးလက်လွှတ်ခဲ့ရ တယ်လို့ ရင်းနစ်ခ်ကပြောပါတယ်။

 “ ချဲလ်ဆီးနဲ့ ဝက်စ်ဟမ်းအသင်းတွေဟာလည်း အောက်လိဂ်က အသင်းတွေနဲ့ အခက်တွေ့ခဲ့ရတယ်။ သူတို့ကနောက်တစ်ဆင့်တက်ခဲ့ပြီး ကျနော်တို့ကအနိုင်မရခဲ့တော့ ပိုဆိုးသွားတယ်။ ဒါက ဆုဖလားရဖို့ အကောင်းဆုံးအခွင့်အရေးလက်လွှတ်ခဲ့ရတာမှန်ပါတယ်။ ဒါပေမဲ့ ထိပ်တန်းကလပ်တွေ အများကြီးပါဝင်နေတဲ့ ချန်ပီယံလိဂ်ပြိုင်ပွဲတော့ကျန်သေးတယ်”လို့ နည်းပြရင်းနစ်ခ်ကပြောပါတယ်။

မန်ယူအသင်းဟာ ချန်ပီယံလိဂ်ရူံးထွက်အဆင့်မှာ စပိန်ကလပ် အက်သလက်တီကိုအသင်းနဲ့ ကစားရမှာပါ။ မန်ယူအသင်းဟာ ၂၀၁၇ ခုနှစ်က နည်းပြမော်ရင်ညို လက်ထက်မှာ ယူရိုပါလိဂ် ဆုဖလားရခဲ့ပြီးနောက်ပိုင်း ဆုဖလားလက်မဲ့ဖြစ်နေပါတယ်။