စစ်ကိုင်းတိုင်း ယင်းမာပင်ခရိုင် ယင်းမာပင်မြို့တွင်းမှာရှိတဲ့ စစ်​ကောင်စီတပ်စွဲ​နေရာတွေကို ​ဒေသခံ PDF ပူး​ပေါင်းအဖွဲ့​တွေက နေ့စဉ်လိုလို တိုက်ခိုက်နေကြတယ်လို့ သိရပါတယ်။

တိုက်ခိုက်ခြင်း​တွေကို ​ဖေ​ဖော်ဝါရီ ၁၁ ညပိုင်းကတည်းက စတင်တိုက်ခဲ့တာဖြစ်ပြီး ​ဖေ​ဖော်ဝါရီ ၁၄ ရက်ညပိုင်းက ပိုမိုကြာမြင့်ခဲ့ကာ ​ဖေ​ဖော်ဝါရီ ၁၅ ရက်​နေ့ ဒီနေ့ ​နေ့ခင်းပိုင်းမှာလည်း တိုက်ခိုက်တာ​တွေ ရှိ​နေတာလို့ ​ဒေသခံ​တွေက ​ပြောပါတယ်။

ဖေ​ဖော်ရီ ၁၄ ရက်ညပိုင်း ၁၀ နာရီဝန်းကျင်​လောက်က​နေ ပစ်ခတ်သံ​တွေကြား​နေရပြီး ​ခရိုင်စု​ပေါင်းရုံးအပါအဝင် ရဲစခန်းနဲ့ မီးသတ်ရုံး​တွေဘက်ဆီက ဖြစ်နိုင်ပြီး မီးသတ်ရုံး​ ​လှေကား​တော့ ပျက်စီးသွားတယ်လို့ ဆိုပါတယ်။

အခြားထိခိုက်မှု​ ရှိ/မရှိကိုတော့ မသိရ​​သေးဘဲ ပစ်ခတ်သံ​တွေဟာ ညဘက်ပိုင်း​တွေ​မှာသာဖြစ်ပြီး ဒီနေ့မနက် ၁၁ နာရီဝန်းကျင်​လောက်မှာလည်း ပစ်ခတ်သံ​တွေ ကြား​ရတယ်လို့ ဒေသခံက ​ပြောပါတယ်။

ယင်းမာပင်မြို့မှာ ​လော​လောဆယ် စစ်​ရေးတင်းမာ​နေဆဲရှိပြီး PDF ပူး​ပေါင်းအဖွဲ့​တွေက ဒရုန်းယာဥ်တွေအပါအဝင် လက်နက်ကြီးတွေနဲ့ပါ ပစ်ခတ်တိုက်ခိုက်ကြတာဖြစ်ပြီး ၄ ရက်​​လောက်ရှိပြီလို့ PDF အဖွဲ့ဝင် တစ်ဦးက ​ပြောပါတယ်။ 

ထိခိုက်မှုအ​ခြေအ​နေ အတိအကျမသိရ​​သလို စစ်​ကောင်စီတပ်ဖွဲ့​တွေက အပြင်ကို မထွက်လာဘဲ အတွင်းမှာသာ ပုန်းခို​နေကြ​ကြောင်း၊ သူတို့ မြို့အပြင်ထွက်လာတာနဲ့တစ်ပြိုင်တည်း တိုက်ခိုက်မှု​တွေ ပြင်းထန်လာနိုင်တယ်လို့လည်း ဆိုပါတယ်။

စစ်​ကောင်စီတပ်နဲ့ ​ဒေသခံ PDF ပူး​ပေါင်းအဖွဲ့​​တို့ တိုက်ပွဲတွေ ပြင်းထန်လာနိုင်တာ​ကြောင့် ယင်းမာပင်မြို့​​တွင်းမှာရှိတဲ့ ဒေသခံပြည်သူ​တော်​တော်များများဟာ မြို့​ပေါ်မှာမ​နေရဲကြဘဲ ထွက်​ပြေး​တိမ်း​ရှောင်နေကြသလို လမ်းသွားလမ်းလာလည်း မရှိသ​လောက် နည်းပါး​နေတယ်လို့ သိရပါတယ်။