ထိုင်းနိုင်ငံမြို့တော် ဘန်ကောက်မှာ အသက် ၃ နှစ်ကနေ ၁၄ နှစ်ကြား ကိုဗစ်-၁၉ ကလေး လူနာ ကုသရေးစင်တာခုကို ဖွင့်လှစ်ထားတယ်လို့ မြို့တော်အုပ်ချုပ်ရေးမှူး အက်စ်ဝင်ကွမ်မောင်က ပြောပါတယ်။

ဒါဟာ ရောဂါကူးစက်ခံရပြီးတဲ့နောက်မှာ မိဘတွေက နေအိမ်မှာ ပြုစုစောင့်ရှောက်မှုပေးဖို့ မဖြစ်နိုင်တဲ့ အခြေအနေတွေအတွက် ဖွင့်လှစ်လိုက်တာလို့ သည်နေရှင်းသတင်းမှာဖော်ပြပါတယ်။

“ဘန်ကောက်မြို့တော်မှာ ကိုဗစ်-၁၉ နေ့စဉ် ကူးစက်မှုနှုန်းဟာ ဆက်တိုက်ပဲ မြင့်တက်နေ ပြီး အထူးသဖြင့် သက်ကြီးရွယ်အိုတွေ၊ ကလေးတွေလည်း ပါဝင်နေတာပါ။ ဒါပေမယ့် တ ချို့မိသားစုတွေမှာ အလုပ်အကိုင်အရ ကန့်သတ်မှုတွေကြောင့်မို့ ကလေးတွေကို နေအိမ် မှာ ခွဲထားပြီး ပြုစုစောင့်ရှောက်ဖို့ အခက်အခဲတွေ အများကြီး ကြုံနေရပါတယ်။ ဒီစင်တာ က အသက် ၃ နှစ်ကနေ ၁၄ နှစ်ကြား ကလေးငယ်တွေကို အချိန်နဲ့တပြေးညီ ကုသစောင့် ရှောက်ပေးနိုင်မှာ ဖြစ်ပါတယ်”လို့ အုပ်ချုပ်ရေးမှူးက ပြေပါတယ်။

ရောဂါကူးစက်ခံရတဲ့ ကလေးတွေအနေနဲ့ စင်တာကို ခရိုင်ပြည်သူ့ကျန်းမာရေးရုံးကတဆင့် ဆက်သွယ်နိုင်သလို အရေးပေါ်ဖုန်းနံပါတ် ၁၃၃၀၊ ဒါမှမဟုတ် ၁၆၆၉ တို့ကို ဆက်သွယ်နိုင် မှာဖြစ်ကာ တရားဝင် Line အကောင့် @BKKCOVID19CONNECT ကနေလည်း စာရင်းပေး သွင်းနိုင်မယ်လို့ ဆိုပါတယ်။

ထိုင်းနိုင်ငံတဝန်းမှာတော့ ပြီးခဲ့တဲ့ ၂၄ နာရီအတွင်း ကိုဗစ်-၁၉ ရောဂါကူးစက်ခံရသူပေါင်း ၁၈,၈၀၀ ကျော်နဲ့ သေဆုံးသူ ၃၂ ယောက်ရှိခဲ့ပြီး ကမ္ဘာ့နိုင်ငံတွေထဲ ရောဂါကူးစက်မှု အမြင့်ဆုံးအဆင့် ၃၂ နေရာမှာ ရပ်တည်နေပါတယ်။