အာဂျင်တီးနားနိုင်ငံ မြို့တော် ဗျူးနော့စ်အေးရီးစ်မှာ လွန်ခဲ့တဲ့ ၄၆ နှစ်က စစ်အာဏာရှင်ရဲ့ ဓားစာခံ ထောင်ချီကို အောက်မေ့အမှတ်ရတဲ့အနေနဲ့ ဆန္ဒပြသူတွေ မတ် ၂၄ ရက်က ချီတက်ခဲ့ပါတယ်။

မြို့လယ်က ပလာဇာဒေ မာယိုဆီကို ချီတက်ရင်း ဓားစာခံတွေအတွက် တရားမျှတမှုကို တောင်းဆိုခဲ့ကြပါတယ်။

ချီတက်နေတဲ့ ဆန္ဒပြသူတယောက်က “ပိုကောင်းတဲ့ ကမ္ဘာအတွက် တိုက်ပွဲဝင်နေခဲ့တဲ့ သူငယ်ချင်းတွေ အများအပြားရဲ့အသံတွေ ၁၉၇၆ မတ် ၂၄ ရက်က နှုတ်ပိတ်ခံလိုက်ရတယ်။ သူတို့ဟာ လူငယ် ယောက်ျားလေးတွေကို ပြန်ပေးဆွဲပြီး အစုလိုက် အပြုံလိုက်သတ်ခဲ့တယ်” လို့ ပြောပါတယ်။

ရက်စက်တဲ့ စစ်အာဏာရှင်လက်အောက် ၁၉၇၆ ကနေ ၈၃ ခုနှစ်ကြားမှာ လူအယောက် ၃ သောင်းလောက် ပျောက်သွားတယ်လို့ ထင်ခဲ့ကြတာပါ။

၁၉၉၀ မှာတော့ တာဝန်ရှိ အရာရှိတွေဟာ အငြင်းပွားဖွယ် လွတ်ငြိမ်းချမ်းသာခွင့် ရခဲ့ကြပါတယ်။

ဒါပေမယ့် အရင်သမ္မတ ခရစ်တီနာ ဖာနန်ဒက်စ် ဦးဆောင်မှုအောက်မှာ လွတ်ငြိမ်းချမ်းသာခွင့်ကို ပြန်ရုပ်သိမ်းခဲ့ပါတယ်။

စစ်အာဏာသိမ်း နှစ် ၃၀ ပြည့် နှစ်ပတ်လည်နေ့ဖြစ်တဲ့ ၂၀၀၆ ကစပြီး မတ် ၂၄ ရက်ကို အမျိုးသား သတိရအောက်မေ့ခြင်းနေ့ အဖြစ်ရော အများပြည်သူ အားလပ်ရက်အဖြစ်ပါ သတ်မှတ်ခဲ့ပါတယ်။