ဘင်္ဂလားဒေ့ရှ်၊ ဒါကာမြို့မှာ မွတ်ဆလင်ဘာသာဝင်တွေ ရာမာဒန်ဥပုသ်လ ပထမရက် ဥပုသ်ပြီးနောက် ချောက်ဘာဇာ အီဖတာဈေးမှာ အထူးပြုလုပ်ထားတဲ့ မုန့်တွေကို ကြိတ်ကြိတ်တိုး ဝယ်ယူကြပါတယ်။ 

တချို့မုန့်တွေဟာ တနှစ်တခါပဲ ရနိုင်တာကြောင့် ယာယီမုန့်ဈေးတန်းတွေမှာ လက်မလည်အောင် ရောင်းနေရတာပါ။ 

ဥပုသ်ထွက်လာတဲ့ ဘာဆက်မီယာက “အီဖတာဈေးတန်းဟာ နှစ်ပေါင်း ၁၀၀ ကျော် အစဉ်အလာ ရှိပြီး၊ ဘိုးဘွားတွေကနေ သားစဉ်မြေးဆက် ဝယ်ယူကြတာပါ” လို့ ပြောပါတယ်။ 

မြို့လယ်ဗလီမှ လုပ်အားပေးတွေက နေ့စဉ် အစားအစာ အမျိုး ၁၂၀၀ လောက်ကို စီစဉ်ထားပြီး ရာမာဒန်ဥပုသ်တလလုံး ရောင်းချပေးသွားမယ်လို့ ပြောပါတယ်။