နိုင်ငံတကာငွေကြေးရန်ပုံငွေအဖွဲ့ (IMF) က ကြွေးမြီနစ်နေတဲ့ လက်ဘနွန်နိုင်ငံရဲ့ စီးပွားရေးအကျပ်အတည်းကို ဖြေရှင်းပေးဖို့ ဒေါ်လာ ၃ ဘီလီယံ အကူအညီနဲ့ လေးနှစ်ဆောင်ရွက်မယ့် သဘောတူညီမှု ရရှိခဲ့တယ်လို့ ပြောပါတယ်။ 

လက်ဘနွန်နိုင်ငံဟာ ၁၉၅၇-၉၀ ပြည်တွင်းစစ်ပြီးကတည်းက စီးပွားရေးအကျပ်အတည်းနဲ့ ဘဏ္ဍာငွေပြတ်လပ်မှုကို ကြုံနေရတာပါ။ 

အခု ၄၆ လတာ IMF သဘောတူညီမှုက လက်ဘနွန်စီးပွားရေး ပြန်ဦးမော့စေမယ်လို့ မျှော်လင့်ကြောင်း ပူးတွဲကြေညာချက်မှာ ဖော်ပြထားပါတယ်။  

IMF ပါဝင်ဆောင်ရွက်မယ့် ပြုပြင်ပြောင်းလဲမှု ၈ ချက်ကို လက်ဘနွန်ဝန်ကြီးချုပ်က သဘောတူခဲ့ပါတယ်။ အဲဒီအချက်တွေထဲမှာ အရှုံးပြနေတဲ့ အကြီးစားလုပ်ငန်းကဏ္ဍတွေ ဖြေရှင်းမှု၊ အသေးစားလုပ်ငန်းတွေ ကာကွယ်မှုနဲ့ အများပြည်သူ့ရင်းမြစ်တွေ ကန့်သတ်ထိန်းချုပ်မှု၊ ဘဏ်လုပ်ငန်းတစုံလုံး ပြုပြင်ပြောင်းလဲမှုတို့ ပါပါတယ်။ 

IMF ရဲ့ ကျယ်ပြန့်တဲ့ စီးပွားရေးပြုပြင်ပြောင်းလဲမှု အစီအစဉ်အောက် ဘဏ္ဍာရေးတည်ငြိမ်မှု၊ အုပ်ချုပ်ရေးပွင့်လင်းမြင်သာမှုနဲ့ အလုပ်အကိုင်ဖန်တီးမှုတွေလည်း ပါဝင်ပါတယ်။