နောက်ခံလူ မက်ဂွိုင်းယားဟာ ဖိအားများနေတာကြောင့် ပွဲထွက်လူစာရင်းကနေ ချန်လှပ်သင့်ကြောင်း မန်ယူနောက်ခံလူဟောင်း ဗီဒစ်က အကြံပြုသွားပါတယ်။ 

မက်ဂွိုင်ယားဟာ အဲဗာတန်ကို ၁ ဂိုး ဂိုးမရှိ နဲ့ရူံးနိမ့်ခဲ့တဲ့ပွဲစဉ်မှာ အမှားအယွင်းတွေရှိခဲ့ပြီး စွမ်းဆောင်ရည်ကျဆင်းနေမှုနဲ့ ပတ်သက်ပြီး ပရိသတ်တွေရဲ့ ဝေဖန်မှုတွေခံနေရတာပါ။ 

ဒီလို ဖိအားများတဲ့အချိန်မှာ မက်ဂွိုင်းယားကို ပွဲထွက်လူစာရင်းကနေ ချန်လှပ်သင့်ပြီး အနိုင်ရဖို့လွယ်ကူနိုင်တဲ့ ပွဲစဉ်တွေမှာပဲ အသုံးပြုသင့်တယ်လို့ ဗီဒစ်က ပြောပါတယ်။ 

“ကစားတိုင်းမှာ သူတို့ရဲ့ ခြေစွမ်းအကောင်းဆုံး မဖြစ်တဲ့ချိန်ဆိုတာ ရှိတတ်ပါတယ်။ ကျနော့်တုန်းက လည်း ကြုံခဲ့ဖူးတယ်။ မက်ဂွိုင်းယားဟာလည်း ဒီရာသီမှာ သူ့ရဲ့အကောင်းဆုံးပုံစံမရသေးတာက ရှင်းပါတယ်။ အမှားတွေဖြစ်စေဖို့ လူတွေကစောင့်ကြည့်နေကြတာကြောင့် ဖိအားတွေအောက်မှာ ကစားရတာက မလွယ်ကူပါဘူး” လို့ ဗီဒစ်ကပြောပါတယ်။ 

ဆားဘီးယား နောက်ခံလူဟောင်း ဗီဒစ်ဟာ မန်ယူအသင်းမှာ ပွဲပေါင်း ၃၀၀ ကျော်ကစားခဲ့ပြီး ဖာဒီနန်နဲ့အတူ ဗဟိုခံစစ်မှာ အတွဲညီညီ ခြေစွမ်းပြသနိုင်ခဲ့သူဖြစ်ပါတယ်။