တောင်အာဖရိကနိုင်ငံ၊ ကမ်းရိုးတန်းပြည်နယ် ကွာဇူးလူးနာတဲလ်မှာ အဆိုးဆုံး ရေလွှမ်းမိုးမှု ဖြစ်ခဲ့ပြီးနောက် ဒေသခံတွေဟာ သူတို့ပိုင်ဆိုင်မှုတွေကို ဧပြီ ၁၄ ရက်က သွားရောက်သိမ်းဆည်းခဲ့ ပါတယ်။

သီတင်းတပတ်လုံး မိုးကြီးခဲ့လို့ အိမ်တွေပျက်စီးပြီး လမ်းတွေ၊ တံတားတွေ ရေထဲ မျောပါ ခဲ့တဲ့အတွက် ပြည်နယ်အတွင်း ဧပြီ ၁၃ ရက်က ကပ်ဘေးသင့်ဒေသအဖြစ် ကြေညာခဲ့ရတာပါ။

အာဖရိကရဲ့ လူအစည်ကားဆုံး ဆိပ်ကမ်းတွေထဲက တခုဖြစ်တဲ့ ဆိပ်ကမ်းမှာလည်း ရေကြီးမှုကြောင့် သင်္ဘောခရီးစဉ်တွေ အနှောင့်အယှက် ဖြစ်ခဲ့ရပါတယ်။

သင်္ဘောပေါ်တင်မယ့် ကုန်သေတ္တာတွေလည်း ရေနဲ့မျောပါခဲ့သလို တချို့နေရာတွေမှာ လုယက်မှုတွေ ဖြစ်ခဲ့ပါတယ်။

အာဖရိကတိုက်ရဲ့ အရှေ့တောင်ဘက် ကမ်းရိုးတန်းဟာ ပင်လယ်ဆိုင်ရာ မိုးလေဝသစနစ်ရဲ့ ရှေ့တန်းဖြစ်ပြီး ကမ္ဘာကြီး ပူနွေးမှုကြောင့် မိုးလေဝသ ပိုဆိုးလာနေတယ်လို့ သိပ္ပံပညာရှင်တွေက ယုံကြည်ကြပါတယ်။

လာမယ့် ဆယ်စုနှစ်တွေမှာ အခြေအနေ အများကြီး ပိုဆိုးလာမယ်လို့လည်း သူတို့က ဟောကိန်း ထုတ်ထားပါတယ်။