တောင်အာဖရိက အရှေ့ဘက်ကမ်းရိုးတန်းမြို့ East London မှာ ပြီးခဲ့တဲ့တပတ်လုံး ရေလွှမ်းမိုးမှုကြောင့် ၁၀ ဦးလောက်  သေဆုံးပြီး အိုးအိမ်စွန့်ခွာခဲ့ရတဲ့မိသားစု ရာချီရှိခဲ့ပါတယ်။ 

မြစ်ရေတွေ ကန်ဘောင်ပေါ် ကျော်ကျပြီး ကားလမ်းတွေပေါ် လွှမ်းနေခဲ့တာပါ။

နိုင်ငံပိုင်ရုပ်သံ SABC က ရေတွေလွှမ်းနေတဲ့ အဝေးပြေးလမ်းမကြီးတွေပေါ်က ရေစီးတွေထဲ ကားတွေ ခဲရာခဲဆစ် သွားနေရတာကို ရိုက်ပြထားပါတယ်။ မြို့ပြင်ရှိ သံအမိုးအကာနဲ့ ဆောက်ထားတဲ့ လူနေအိမ်ခြေ ၁၀၀ ကျော်လည်း ရေထဲ မျောပါသွားပါတယ်။

လူဦးရေ သန်းတဝက်ခန့် နေထိုင်တဲ့ တောင်အာဖရိက ကမ်းရိုးတန်းမြို့ဟာ ရာသီဥတု ပြောင်းလဲမှုကြောင့် ရေကြီးမှုနဲ့ မိုးခေါင်မှုတွေ မကြာခဏ အဆိုးရွားဆုံးကြုံတွေ့နေရပါတယ်။