close

အာဆင်နယ်အသင်းအခြေအနေ စိုးရိမ်စရာကောင်းသွားပြီဟု နည်းပြအာတီတာ ပြော

ပရီးမီးယားလိဂ် ၃ ပွဲဆက်တိုက်ရူံးနိမ့်ခဲ့ပြီးတဲ့နောက် အသင်းရဲ့အခြေအနေက စိုးရိမ်စရာကောင်း သွားပြီလို့ နည်းပြ အာတီတာက ပြောပါတယ်။ 

အာဆင်နယ်အသင်းဟာ မနေ့ညက ကစားသွားခဲ့တဲ့ ဆောက်သမ်တန်နဲ့ ပွဲစဉ်မှာ ၁ ဂိုး ဂိုးမရှိနဲ့ ရှုံးနိမ့်ခဲ့ပြီး ဒီပွဲမတိုင်ခင်ကလည်း ဘရိုက်တန်နဲ့ ခရစ္စတယ်ပဲလေ့အသင်းတွေကို ရှုံးနိမ့်ခဲ့တာပါ။ 

၃ ပွဲဆက်တိုက်ရူံးခဲ့ရတဲ့အပေါ် ရှင်းပြရခက်ခဲပြီး အသင်းရဲ့ အခြေအနေက စိုးရိမ်စရာဖြစ်တယ်လို့ ဆောက်သမ်တန်နဲ့ပွဲအပြီးမှာ နည်းပြအာတီတာ မှတ်ချက်ပေးခဲ့တာပါ။

“မတူညီတဲ့ နည်းလမ်းတွေနဲ့ရှုံးပွဲတွေ ကြုံတွေ့ခဲ့ရတယ်။ ဒီနေ့ပွဲမှာ ရှုံးနိမ့်ခဲ့ရတာက ရှင်း ပြဖို့ခက်ခဲပါတယ်။ ခင်ဗျားတို့ ဒီပွဲကိုကြည့်မယ်ဆိုရင် အာဆင်နယ်က သက်သောင့်သက်သာ အနိုင်ရသင့်တယ်လို့ ပြောကြပါလိမ့်မယ်။ အနိုင်ရဖို့ဆိုရင် ဂိုးထဲကို ဘောလုံးရောက်ဖို့လိုတယ်။ အဆုံးအဖြတ်  ဖြစ်စေတဲ့ အခိုက်အတန့်တွေမှာ အခွင့်အရေးတွေကို အသုံးချတက်ဖို့လိုပေမယ့် ကျနော်တို့ အဲဒီလို မလုပ်နိုင်ခဲ့ပါဘူး” လို့ နည်းပြအာတီတာက ပြောပါတယ်။

အာဆင်နယ်အသင်းဟာ ဆောက်သမ်တန်နဲ့ပွဲစဉ်မှာ ဂိုးကန်သွင်းခွင့် ၂၃ ကြိမ်ရှိခဲ့ပေမယ့် ဂိုးရနိုင်တဲ့ အခွင့်အရေး ၃ ကြိမ်လောက်ကို ဂိုးသမား ဖော်စတာက ကာကွယ်နိုင်ခဲ့လို့ ချေပဂိုးမရဘဲ ရှုံးပွဲထပ်ကြုံခဲ့ရတာဖြစ်ပါတယ်။ 

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
Up