မွန်ပြည်နယ်၊  ရေးမြို့နယ်၊ ကျောင်းရွာအခြေစိုက် အမှတ် ၅၉၁ တပ်ကို မေ ၁၀ ရက်နေ့ မနက် ၁၁ နာရီ မိနစ် ၄၀ မိနစ်လောက်မှာ ဝင်ရောက်စီးနင်းပစ်ခတ်ခဲ့တယ်လို့ ရေးဘီလူးအဖွဲ့က ပြောပါတယ်။

ရေးဘီးလူးအဖွဲ့က ၄၀-မမ ၃ လုံး၊ M16 ၃ လက်နဲ့ ဝင်ရောက် ပစ်ခတ်ခဲ့တာဖြစ်ပြီး ၅၉၁ တပ်က ၄ ဦး ကျဆုံးတယ်လို့ ဆိုပါတယ်။

မိနစ် အနည်းငယ်ကြာ ပစ်ခတ်မှုအပြီးမှာ ရေးမြို့အခြေစိုက် တပ်ရင်းဘက်မှ ကား ၄ စီးနဲ့ ချက်ချင်းစစ်ကူ လာရောက်တာကြောင့် ရေးဘီးလူးအဖွဲ့က အထိအခိုက်မရှိ ပြန်လည်ဆုတ်ခွာခဲ့တယ်လို့ ရေဘီလူးအဖွဲ့ဝင်တဦးက ပြောပါတယ်။

လက်ရှိမှာ ကျောင်းရွာကျေးရွာနေသူတွေကို ရေးဘီးလူး အဖွဲ့သားတွေရဲ့ လှုပ်ရှားမှုအခြေနေတွေနဲ့ ပက်သက်ပြီး စုံစမ်းစစ်ဆေးမေးမြန်းတာတွေ ပြုလုပ်နေတယ်လို့ ဒေသခံတွေက ပြောပါတယ်။

ကျောင်းရွာကျေးရွာမှာ အခြေစိုက်တဲ့ ၅၉၁ တပ်ရင်းကို ရေးဘီးလူး အဖွဲ့သားတွေက ပထမဆုံးအကြိမ် ဝင်ရောက်စီးနင်းတိုက်ခိုက်ခဲ့တာပါ။

ပြီးခဲ့တဲ့နှစ် ဒီဇင်ဘာ ၈ ရက်နေ့ကလည်း ကျောင်းရွာ ရဲကင်းစခန်းကို ရေးပြည်သူ့ကာကွယ်ရေး ပြောက်ကျားတပ်ဖွဲ့ YSTF က တိုက်ခိုက်ခဲ့တယ်လို့ သိရပါတယ်။

ရေးမြို့နယ် ကျောင်းရွာအခြေစိုက် အမှတ် ၅၉၁ တပ် စီးနင်းတိုက်ခိုက်ခံရတာနဲ့ ပတ်သက်ပြီး စစ်ကောင်စီက သတင်းထုတ်ပြန်တာ မရှိသေးပါဘူး။