ကိုလံဘီယာ မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့ဟာ ဇွန် ၁၄ ရက်က အာလူးနဲ့ ပီလောပီနံ ဥတွေလို ပုံသွင်းထားတဲ့ ကိုကင်း ၁၃၀၀ ကီလိုဂရမ် (၂,၈၆၆ ပေါင်) ကို ကာတဂျီနာ ကမ်းခြေမြို့မှာ ဖမ်းဆီးရမိခဲ့ပါတယ်။ 

လစ်စဘွန်းနဲ့ ဗလင်စီယာတို့လို ဥရောပဆိပ်ကမ်းတွေကို တင်ပို့ဖို့ ရည်ရွယ်ထားတဲ့ အေးခဲ-အသင့်ကြော် အာလူးနဲ့ ပီလောပီနံ အိတ်တွေပါတဲ့ ကွန်တိန်နာတလုံးကို ရဲတွေက တွေ့ရှိခဲ့တာပါ။ 

မူးယစ်မှောင်ခိုသမားတွေဟာ မူးယစ်ဆေးဝါးတွေကို ပုံသွင်းဖို့ ဟိုက်ဒရောလစ် ဖိစက်တွေကို အသုံးပြုခဲ့ကြတယ်လို့ အာဏာပိုင်တွေက ပြောပါတယ်။ 

အာလူးနဲ့ ပလောပီနံ အတုံးတွေဟာ တူညီကြပေမယ့်လည်း အိတ်တွေကို တွေ့ရတဲ့အခါ ပစ္စည်းတွေမှာ သက်တမ်းကုန်ဆုံးရက် မပါရှိတာကြောင့် သတိထားမိသွားတာလို့ ဆိုပါတယ်။

အာဏာပိုင်တွေဟာ လတ်တလောနှစ်တွေအတွင်း မူးယစ်ဆေးဝါးတွေ မှောင်ခိုအရောင်းအဝယ် လုပ်ကြရာမှာ ဒီနည်းလမ်းဟာ ဆန်းသစ်တီထွင်မှု အရှိဆုံး လှည့်ကွက်တခုအဖြစ် ထည့်သွင်း စဉ်းစားခဲ့ကြပါတယ်။