မြေပြင်ပစ် တာလတ် ဒုံးခွင်းဒုံးစနစ် တရုတ်စမ်းသပ်

တရုတ်အစိုးရဟာ မြေပြင်ကနေ ပစ်ခတ်ရတဲ့ တာလတ်ပစ် ဒုံးခွင်းဒုံး စနစ်ကို နည်းပညာပိုင်းအရ ဇွန် ၁၉ ရက်က စမ်းသပ်ခဲ့တယ်လို့ တရုတ် အမျိုးသားကာကွယ်ရေးဝန်ကြီးဌာနက ပြောပါတယ်။
ဒါဟာ ကာကွယ်ဖို့ ရည်ရွယ်ချက်အတွက်သာဖြစ်ပြီး ဘယ်နိုင်ငံကိုမှ ပစ်မှတ် မထားခဲ့ဘူးလို့လည်း ဝန်ကြီးဌာနက ပြောပါတယ်။
စမ်းသပ်ရာမှာလည်း မျှော်လင့်ထားတဲ့ ရည်ရွယ်ချက်ကို အကောင်အထည် ဖော်နိုင်ခဲ့တယ်လို့ လည်း ဆိုပါတယ်။
တရုတ်မြို့တော် ပေကျင်းကို ချိန်ရွယ် ပစ်ခတ်နိုင်တဲ့ အသံထက်မြန်တဲ့ ဒုံးကျည်တွေ ထိုင်ဝမ် အစိုးရဆီမှာ ရှိထားပြီလို့ ထိုင်ဝမ်ထိပ်တန်း နိုင်ငံရေးသမားတယောက်ကို ကိုးကားပြီး မီဒီယာက ဇွန် ၁၆ ရက်မှာ ဖော်ပြခဲ့ပါတယ်။
အဲဒီနောက်မှာ တရုတ်ကာကွယ်ရေးဝန်ကြီးဌာနက ဒုံးခွင်းဒုံး စနစ်တွေကို စမ်းသပ်ခဲ့တာပါ။
တရုတ်ကွန်မြူနစ်အစိုးရက ထိုင်ဝမ်ကို ကျူးကျော် လာခဲ့ရင် ယုံဖန်းဒုံးကျည်တွေဟာ ပေကျင်း မြို့တော်ကို ထိမှန်ပြီးသား ဖြစ်နေလိမ့်မယ်လို့ ထိုင်ဝမ်ဝန်ကြီးချုပ်ဟောင်း ယိုစီခွန်းက ပြောပါတယ်။
ယုံဖန်းဒုံးကျည်တွေကို ထိုင်ဝမ်မှာ ၂၀၁၂ ခုနှစ်က ပြည်တွင်းဖြစ် အနေနဲ့ ပထမဆုံး အသိအမှတ်ပြု စတင်ထုတ်လုပ်ခဲ့ပြိး ၂၀၁၉ မှာတော့ အများအပြား ထုတ်လုပ်ခဲ့တာပါ။
ဒီဒုံးကျည်တွေဟာ တရုတ်မြို့တော်ပေကျင်းကိုသာမက ကမ္ဘာ့အကြီးဆုံး ရေအားလျှပ်စစ် ဓာတ်အားပေး စက်ရုံရှိရာ ဥမင်သုံးသွယ် ဆည်ကြီးကိုပါ ရောက်နိုင်ဖို့ လုံလောက်တယ်လို့ သူက ဆက်ပြောပါတယ်။
ရုရှားက ယူကရိန်းကို ကျူးကျော်တဲ့ စာမေးပွဲအရ ထိုင်ဝမ်ဟာ ကမ္ဘာ့နိုင်ငံတွေကို အားမကိုးရဘဲ နောက်ဆုံးကျည်တတောင့် ကျန်သည်အထိ တိုက်ဖို့ ပြင်ဆင်ထားရမယ်လို့လည်း သူက ပြောခဲ့ပါတယ်။
ထိုင်ဝမ်ပြည်သူတွေအနေနဲ့လည်း ကွန်မြူနစ် ကျူးကျော်မှုအတွက် ပြင်ဆင်ရာမှာ တက်ကြွတဲ့ အခန်းကဏ္ဍကို တာဝန်ယူဖို့ လိုတယ်လို့ သူက ပြောခဲ့ပါတယ်။