မာသာထရီဆာရဲ့ ပရဟိတ သာသနာပြုအဖွဲ့က သီလရှင်တွေဟာ နီကာရာဂွါနိုင်ငံကနေ ကော်စတာရီကာနိုင်ငံဆီ ဇူလိုင် ၆ ရက်က ကုန်းတွင်းပိုင်းနယ်စပ်ကို ဖြတ်ကျော်ဝင်ရောက်ခဲ့ပါတယ်။

နီကာရာဂွါသမ္မတ ဒယ်နီယယ်အော်တေဂါနဲ့ ချိတ်ဆက်ထားတဲ့ ဥပဒေပြုအမတ်တွေက သာသနာပြုအဖွဲ့ကို နှင်ထုတ်ပြီး နိုင်ငံတွင်းက ဌာနခွဲတွေကို ပိတ်ပစ်ခဲ့ပါတယ်။

နီကာရာဂွါရဲတွေနဲ့ ရွှေ့ပြောင်းအခြေချသူတွေရဲ့ စောင့်ကြပ်မှုနဲ့ သီလရှင် ဆယ်ပါးကျော်ဟာ အိမ်နီးချင်း ကော်စတာရီကာကို ခြေလျင်ဖြတ်ကူးဖို့ ပေနတ်စ် ဘလန်ကတ်စ်မြို့  နယ်စပ်ဂိတ်ကို ရောက်ခဲ့ပါတယ်။

ကော်စတာရီကာနိုင်ငံအတွင်း ရွှေ့ပြောင်းနေထိုင်ရေးရုံးအတွင်းက သီလရှင်တွေကို ရိုက်ကူးထားတဲ့ ဓာတ်ပုံတွေကို သူတို့နဲ့အတူ လိုက်ပါလာတဲ့ သင်းအုပ်ဆရာ ဆူနေးလ် ကူးမား အန်ဒူဂူလာက မျှဝေပြသထားပါတယ်။

ဆင်းရဲနွမ်းပါးတဲ့ အသိုက်အဝန်းတွေနဲ့ အလုပ်လုပ်တဲ့ ပရဟိတ သာသနာပြုအဖွဲ့တွေဟာ နီကာရာဂွါမှာ ၃၄ နှစ်ကျော်ကြာ လုပ်ငန်းလည်ပတ်နေခဲ့တာပါ။

ဧပြီလမှာ အော်တေဂါရဲ့ မဟာမိတ်တွေ ထိန်းချုပ်ထားတဲ့ နီကာရာဂွါလွှတ်တော်က အစိုးရမဟုတ်တဲ့ အဖွဲ့အစည်း NGO တွေကို ပိတ်ပစ်ခဲ့ပြီး အများစုမှာ အစိုးရကို ပွင့်ပွင့်လင်းလင်း ဝေဖန်ခဲ့ကြပါတယ်။

NGO တွေဟာ နီကာရာဂွါဥပဒေတွေကို ချိုးဖောက်ခဲ့တယ်လို့ လွှတ်တော်အမတ်တွေက စောဒကတက်ခဲ့ကြပါတယ်။

အတိုက်အခံတွေက အရပ်ဘက်လူ့အဖွဲ့အစည်းကို တိုက်ခိုက်မှုလို့ ပြောဆိုနေတဲ့ သမ္မတ ဒယ်နီရယ် အော်တီဂါအစိုးရလက်ထက် ပိတ်သိမ်းမှုတွေအတွင်း အခုလုပ်ရပ်ဟာ နောက်ဆုံးလုပ်ရပ်လည်း ဖြစ်ပါတယ်။