ချဲလ်ဆီးအသင်းရဲ့ ဘယ်နောက်ခံကစားသမား မားကို့စ်အလွန်ဆိုဟာ ဘာစီလိုနာအသင်းဆီကို ပြောင်းရွှေ့ဖို့အတွက် အသင်းလူစာရင်းကနေ နုတ်ထွက်သွားပါတယ်။

ဘယ်နောက်ခံလူနေရာမှာ ဘရိုက်တန်က ကူကူရယ်လာကိုခေါ်ယူလိုက်ပြီးနောက်မှာ ဘင်ချီဝဲလ်၊ အီမာဆင်၊ အလွန်ဆို အစရှိသဖြင့် တနေရာတည်းမှာပဲ ကစားသမား ၄ ဦးအထိရှိနေတာပါ။

ဒါကြောင့်လည်း  အလွန်ဆိုဟာ အသင်းပြောင်းဖို့ ဆုံးဖြတ်ခဲ့ပြီး အဲဗာတန်ကို ၁ ဂိုး ဂိုးမရှိနဲ့ အနိုင်ရခဲ့တဲ့ပွဲမှာလည်း လိုက်ပါ လာခြင်းမရှိခဲ့ပါဘူး။

အသက် ၃၁ နှစ်အရွယ်ရှိ  မားကို့စ်အလွန်ဆိုဟာ ချဲလ်ဆီးအသင်းဆီကို  ၂၀၁၆ ခုနှစ်ကတည်းက ရောက်ရှိလာသူဖြစ်ပြီး စုစုပေါင်းပွဲ ၂၀၀ ကျော် ကစားခဲ့ကာ ဆုဖလားအောင်မြင်မှုတွေလည်း ရယူနိုင်ခဲ့ပါတယ်။