မန်ယူနိုက်တက်အသင်းအတွက် ပြင်းထန်စွာ အလုပ်ကြိုးစားနေကြောင်း စီရော်နယ်ဒိုက ပရိသတ်တွေကို အသိပေးလိုက်ပါတယ်။

ရော်နယ်ဒိုဟာ ရာသီမစခင်ကတည်းက အသင်းကနေ ထွက်ခွာမယ်လို့ သတင်းကြီးခဲ့ပေမယ့် ယူနိုက်တက်မှာ ဆက်ရှိနေဆဲပါ။

ပရီးမီးယားလိဂ်အဖွင့်ပွဲမှာ ပွဲထွက်ခွင့်မရခဲ့ပေမဲ့ လူစားဝင်က စားခွင့်ရခဲ့ပြီး လာမယ့် တစ်ပတ်ပွဲစဉ်အတွက် ရော်နယ်ဒိုက ပြင်းပြင်းထန်ထန် ကြိုးစားနေတာပါ။

လေ့ကျင့်ရေးကွင်းမှာ သူလေ့ကျင့်နေတဲ့ပုံတွေကို ရော်နယ်ဒိုက အင်စတာဂရမ်မှာတင်ခဲ့ပြီး “ ပြင်းပြင်းထန်ထန်အလုပ်ကြိုးစားခြင်းက အမြဲတမ်းအောင်မြင်မှုရရှိစေနိုင်တယ်” ဆိုပြီး ရေးတင် ခဲ့ပါတယ်။

ရော်နယ်ဒိုဟာ အင်စတာဂရမ်အကောင့်မှာ Follower ၄၇၅ သန်းအထိရှိပြီး သူတင်ခဲ့တဲ့ ပို့စ်ကို တစ်ရက်အတွင်းမှာ ပရိသတ် ၅ သန်းလောက်က  အားပေးခဲ့ကြပါတယ်။

ရော်နယ်ဒိုဟာ ဘရန့်ဖို့ဒ်နဲ့ ပွဲစဉ်မှာ ပွဲထွက်ကစားခွင့်မရခဲ့ဘူးဆိုရင်တော့ ၂၀၀၅ ခုနှစ်နောက်ပိုင်းမှာ ပထမဆုံးအကြိမ်ဖြစ်  ၂ ပွဲ ဆက်တိုက် အရန်ခုံထိုင်ရမယ့် မှတ်တမ်းရရှိသွားမှာဖြစ်ပါတယ်။