အသစ်စက်စက် သရဖူဆောင်းခဲ့တဲ့ ဇူးလူးဘုရင် မစ်စူးဇူးလူးကွာဇွယ်လစ်သီနီရဲ့ ရိုးရာ တော်ဝင် နန်းတက်ပွဲကို တောင်အာဖရိကနိုင်ငံ ကွာနန်းဂိုမာမြို့က  ဩဂုတ် ၂၀ ရက်က ကျင်းပပါတယ်။

ဒီပွဲကို ရိုးရာအစဉ်အလာအတိုင်း ဝတ်ဆင်ထားတဲ့ ဇူးလူးစစ်သူရဲကောင်းတွေနဲ့ အပျိုတော်တွေ ထောင်ချီပြီး တက်ရောက်ခဲ့ပါတယ်။

နန်းတက်ပွဲမှာ ဘုရင်က ကြွေးကြော်သံတွေ ဟစ်ကြွေးနေတဲ့ အာမာဘူသိုစစ်သည်တွေနဲ့ မတွေ့ခင် သီးသန့်အခမ်းအနားကိုလည်း တက်ခဲ့ပါတယ်။

သူ့ကို ဇူးလူးနိုင်ငံရဲ့ အုပ်ချုပ်သူအသစ်အဖြစ် အသိအမှတ်ပြုထားကြပြီး ဆွာဇီလန်၊ ဇမ်ဘီယာနဲ့ တောင်အာဖရိကနိုင်ငံတွေက သံတမန်တွေ အပါအဝင် ဂုဏ်သရေရှိ ဧည့်သည်တော်တွေလဲ ဒီအခမ်းအနားကို တက်ခဲ့ပါတယ်။

ဇူးလူးဘုရင့်နိုင်ငံမှာ ဂွဒ်ဝဲလ်ဇွယ်လစ်သီနီ သေဆုံးအပြီး ထီးနန်းဆက်ခံရေး တိုက်ပွဲအမျိုးမျိုး ပေါ်ပေါက်ခဲ့ ရိုးရာနန်းတက်ပွဲကို ဟန့်တားဖို့ အရေးပေါ်တရားရုံးက အမိန့်ထုတ်ခဲ့ပါတယ်။

နိုင်ငံတော်အဆင့် အခမ်းအနားကို ဒီနှစ်နှောင်းပိုင်းမှာ မိုးဇက် မက်ဘီဒါ အားကစားရုံမှာ ကျင်းပဖို့ မျှော်လင့်ထားပါတယ်။