ပီရူးနိုင်ငံမှာ တရားမဝင်သတ္တုတွင်းတခုကို ရဲက ဝင်ရောက်စီးနင်းပြီးနောက် လူတဦး သေဆုံးကာ ၁၂ ဦး ဒဏ်ရာ ရခဲ့ကြောင်း စုံစမ်းစစ်ဆေးရေးမှူးရုံးမှ သြဂုတ် ၂၆ ရက်မှာ ထုတ်ပြန်ပါတယ်။ 

ပီရူးအရှေ့တောင်ပိုင်းရှိ Madre de Dios ဒေသက La Pampa နယ်မြေမှာ တရားမဝင် မိုင်းလုပ်သားတွေဟာ သြဂုတ် ၂၅ ရက်က ချီတက်ဆန္ဒပြခဲ့ကြပြီး သြဂုတ် ၂၄ ရက်မှာ လူတဦး သေဆုံးပြီး ၁၂ ဦး ဒဏ်ရာရရှိခဲ့တဲ့ စီးနင်းမှုမှာ ရဲတပ်ဖွဲ့ရဲ့ နှိပ်စက်ညှဉ်းပန်းမှုကို ရှုတ်ချခဲ့ကြပါတယ်။

ရဲတပ်ဖွဲ့ဟာ သူတို့ကို ကျည်ဆန်တွေ၊ လောက်စာလုံးတွေနဲ့ ပစ်ခတ်ခဲ့ပြီတယ်လို့ ဒဏ်ရာရ မိုင်းတွင်းလုပ်သားတဦးက ဒေသခံ မီဒီယာကို ပြောကြားခဲ့ပါတယ်။ 

ဆန္ဒပြနေချိန်အတွင်း စစ်စခန်းတခု မီးလောင်သွားခဲ့ပြီး ရဲတပ်ဖွဲ့က ဆန္ဒပြသူတွေနဲ့ ဆွေးနွေးမှုတွေ ပြေလည်ဖို့ ကြိုးပမ်းခဲ့ပြီး လူရှစ်ဦးကို ဖမ်းဆီးထားကြောင်း စုံစမ်းရေးမှူးရုံးက ထုတ်ပြန်ခဲ့ပါတယ်။