အာဂျင်တီးနားနိုင်ငံမှာ စက်တင်ဘာ ၆ ရက် ညပိုင်းက ကမ္ဘာတဝန်းက အကသမားတွေ၊ ဖျော်ဖြေပွဲတွေ၊ ချီးကျူးဂုဏ်ပြုမှုတွေနဲ့အတူ ဗျူနိုအေရီးစ် ကမ္ဘာ့တန်ဂိုပွဲတော်ကို စတင်ကျင်းပခဲ့ပါတယ်။

သူတို့ဟာ ပြိုင်ပွဲရဲ့ နောက်တဆင့်ကို တက်လှမ်းနိုင်ဖို့ မျှော်လင့်ချက်နဲ့ သူတို့ရဲ့ ပြောင်မြောက်တဲ့ အကခြေစွမ်းတွေကို ပြသနေပါတယ်။

နိုင်ငံပေါင်း ၂၅ နိုင်ငံမှ အနုပညာရှင် ၁,၅၀၀ ကျော်ဟာ အကသမားတွေရဲ့ လှုပ်ရှားမှု ခပ်နှေးနှေးနဲ့ သိမ်မွေ့အနုစိတ်တဲ့ ဖန်တီးမှုဖြစ်တဲ့ Salon စတိုင်နဲ့ ပရိသတ်ကို တင်ဆက်ဖို့အတွက် စင်မြင့်ပေါ်မှာ ခပ်သွက်သွက် မြန်မြန်ကျွမ်းဘားသဘောမျိုး ကပြရတဲ့  Stage စတိုင်ပြိုင်ပွဲတွေမှာ ပါဝင်ယှဉ်ပြိုင်မှာ ဖြစ်ပါတယ်။

၂၀၂၂ ခုနှစ် တန်ဂိုပွဲတော်မှာ အကသမားတွေနဲ့ တန်ဂိုဂီတပညာရှင်တွေရဲ့ ဖျော်ဖြေမှုတွေအပြင် ပရိသတ်တွေနဲ့အတူ အလုပ်ရုံဆွေးနွေးပွဲတွေ၊ သင်တန်းတွေနဲ့ ပြပွဲတွေလည်း ပါဝင်ပါတယ်။

ပျော်ပွဲရွှင်ပွဲထဲမှာ ကိုယ်တိုင်ပါဝင်ပြီး တန်ဂိုရဲ့ ရှေ့ပြေးအကဖြစ်တဲ့ ခြေထောက်လှုပ်ယမ်းခါ ကခုန်ဖို့တွေလည်း အားပေးထားပါတယ်။

Salon စတိုင်နဲ့ Stage စတိုင် ပြိုင်ပွဲတွေက ချန်ပီယံတွေကို ပွဲတော်ပိတ်ပွဲ စက်တင်ဘာ ၁၈ ရက်မှာ သရဖူဆောင်း ချီးမြှင့်ပေးမှာ ဖြစ်ပါတယ်။