မကွေးတိုင်းဒေသကြီးမှ မဟာမိတ် PDF အဖွဲ့ နှစ်ဖွဲ့အတွက် သေနတ် ၁၁လက်ကို မကွေး ဗိုလ်မထားကျေးရွာပေါင်းစုံ PDF အဖွဲ့က ဒီနေ့မှာ လှူဒါန်းပေးအပ်ခဲ့ပါတယ်။ 

“အညာဒေသဆိုတာ အင်မတန်မှ လက်နက်ခဲယမ်းရှားပါးပါတယ်။ အသက်စွန့်လွှတ် စွန့်စားရဲတဲ့ သူရဲကောင်းများစွာထွက်ရှိပေမဲ့ လက်နက်မပြည့်စုံလို့ စစ်ကောင်စီက မျက်စိရှေ့မှာ လူသတ်၊ မီးရှို့ လုယက်၊ ဓားပြတိုက်၊ ပြည်သူကိုနှိပ်စက်တာများလို့ မကွေးဗိုလ်မထား PDF အဖွဲ့အနေနဲ့ လက်နက်တွေကိုထုတ်လုပ်ပြီး အခမဲ့ လှူဒါန်းပေးတာ” လို့ ဗိုလ်မထားက ပြောပါတယ်။

မကွေးတိုင်းအတွင်းမှာရှိတဲ့ အခြား PDF အဖွဲ့တွေကိုလည်း ဗိုလ်မထားအဖွဲ့အနေနဲ့ လစဉ်ကူညီထောက်ပံ့ပေးသွားမယ်လို့ ဆိုပါတယ်။