ကိုလံဘီယာလေဆိပ်မှာ နိုဝင်ဘာလ ၁၀ ရက်နေ့က အမျိုးသမီး ၂ ယောက်ကို သူတို့ဆံပင် ဆက်ထားတဲ့အထဲမှာ ကိုကင်း ၂ ကီလိုနီးပါးကို ဖုံးကွယ်သယ်ဆောင်ပြီး မှောင်ခိုလုပ်ဖို့ ကြိုးစားခဲ့တာကြောင့် ဖမ်းဆီးထိန်းသိမ်းလိုက်ကြောင်း ကိုလံဘီယာ ကာကွယ်ရေးဝန်ကြီးဌာနက သတင်းထုတ်ပြန်ပါတယ်။ 

စပိန်နိုင်ငံ မက်ဒရစ်မြို့ကို ထွက်ခွာမယ့် လေဆိပ် ၂ ခုမှာ အမျိုးသမီးတွေကို သီးခြားစီ ဖမ်းမိခဲ့တာပါ။ 

တယောက်ကိုတော့ ရီယိုနီဂရိုးမြို့က ဟိုဆေးမာရီယာ ကော်ဒိုဘာ နိုင်ငံတကာ လေဆိပ်မှာ မက်ဒရစ်မြို့ကို လေယာဉ်စီးဖို့ ကြိုးစားနေချိန်မှာ ဖမ်းဆီးလိုက်တာဖြစ်ကြောင်း ဆိပ်ကမ်းနဲ့ လေဆိပ် ထိန်းချုပ်ရေး ရဲတပ်ဖွဲ့ရဲ့ အကြီးအကဲ ဗိုလ်မှူးကြီး ကားလော့စ် အလ်ဘာတို ပိုတေးစ်က ပြောပါတယ်။ 

သူတို့ကို ခန္ဓာကိုယ်စကန် ဖတ်တဲ့အချိန်မှာ သူတို့ရဲ့ဆံပင်အဆက်တွေထဲမှာ ဖွက်ထားတဲ့ ပြင်ပပစ္စည်းတွေကို တွေ့ရှိခဲ့တာဖြစ်ကြောင်းလည်း သူက ပြောဆိုပါတယ်။

ကိုလံဘီယာရဲတပ်ဖွဲ့ရဲ့ ဗွီဒီယိုဖိုင်ထဲမှာ လေဆိပ်အရာရှိက ဆံပင်အဆက်တွေကြားထဲက ပြွန်တွေကို ဖယ်ရှားလိုက်ပြီးတော့ အဲဒီထဲက ပြွန်တခုကို ဖွင့်ပြီးစမ်းသပ်ပြတာကို တွေ့မြင် ရပါတယ်။ 

ဆံပင်အဆက်တွေထဲမှာ ဖွက်ပြီးသယ်လာတဲ့ ကိုကင်း စုစုပေါင်း ၁,၉၅၀ ကီလိုဂရမ်ကို သိမ်းဆည်းရမိခဲ့ပါတယ်။