စပိန်နိုင်ငံမှာ ဒေသဆိုင်ရာအစိုးရရဲ့ ကျန်းမာရေးစောင့်ရှောက်မှု မူဝါဒကို ဆန့်ကျင်ကန့်ကွက်ဖို့ နိုဝင်ဘာ ၁၃ ရက်က ထောင်နဲ့ချီတဲ့လူတွေ မက်ဒရစ်မြို့လယ်မှာ ချီတက်ဆန္ဒပြခဲ့ကြပါတယ်။

အစိုးရမူဝါဒဟာ ဆေးရုံမတင်ခင် အထွေထွေကုဆရာဝန်က ကြည့်ရှုကုသပေးတဲ့ စနစ်ကို ပျက်ပြားစေတယ်လို့ ဆန္ဒပြပွဲကို စီစဉ်သူတွေက ပြောပါတယ်။

အလုပ်သမားသမဂ္ဂတွေ၊ ကျန်းမာရေးဝန်ထမ်းတွေ၊ လက်ဝဲနိုင်ငံရေးသမားတွေနဲ့ မက်ဒရစ်မြို့ခံတွေဟာ ဆန္ဒပြပွဲအတွင်း လူငယ်လူရွယ်တွေ ချီတက်ဆန္ဒပြနေချိန်မှာ သီချင်းတွေဆိုရင်း ဗုံတီးခဲ့ကြပါတယ်။

အဓိက ကျန်းမာရေးစောင့်ရှောက်မှုက အဆင်မပြေရင် ကာကွယ်ရေးက အလုပ်မဖြစ်ဘူးလို့ ဆန္ဒပြပွဲမှာ ချီတက်နေတဲ့ ဆရာဝန် ရိုဆာ မာရီယာ ကာချာရွန်က ပြောပါတယ်။

တိုင်းဒေသကြီးအစိုးရရဲ့ ရန်ပုံငွေဖြတ်တောက်မှုကြောင့် ဝန်ထမ်းတွေရဲ့ စောင့်ဆိုင်းစာရင်းတွေ တိုးမြင့်လာပြီး အလုပ်ဖြုတ်ခံရတာနဲ့ အလုပ်အကိုင်ရရှိရေး မသေချာ မရေရာတာတွေကို ဖြစ်စေတယ်လို့ စီစဉ်သူတွေက ပြောပါတယ်။

စပိန်ရဲ့ အချမ်းသာဆုံးဒေသဖြစ်ပေမဲ့ မက်ဒရစ်ဟာ ကျန်းမာရေးစောင့်ရှောက်မှုအတွက် အနည်းဆုံး သုံးနေတယ်လို့လည်း သူတို့က ပြောပါတယ်။

ဆန္ဒပြတဲ့ အဖွဲ့လေးဖွဲ့ဟာ မြို့ရဲ့ အမျိုးမျိုးသော နေရာတွေကနေ ချီတက်ခဲ့ကြပြီး မက်ဒရစ်မြို့တော်ခန်းမနားက စီဘေးလက်စ်မှာ ဆုံစည်းခဲ့ကြပါတယ်။

ဒေသခံ အာဏာပိုင်တွေရဲ့ အဆိုအရ ဆန္ဒပြပွဲမှာ လူ ၂ သိန်းကျော် တက်ခဲ့တယ်လို့ စပိန်မီဒီယာတွေက ပြောပေမဲ့ ပွဲစီစဉ်သူတွေကတော့ လူပေါင်း ၆ သိန်းကျော် ချီတက် ဆန္ဒပြခဲ့တယ်လို့ ပြောပါတယ်။

ဗဟိုလက်ယာပြည်သူ့ပါတီက ဒေသဆိုင်ရာသမ္မတ အစ္စဘဲ ဒီယက်စ် အာယူဆို ရာထူးကနေ နုတ်ထွက်ဖို့ တချို့က ဆိုင်းဘုတ်ကိုင်ရင်း တောင်းဆိုထားပါတယ်။ အာယူဆိုရဲ့  ဧရာမရုပ်သေးရုပ်ကိုလည်း လူအုပ်ကြားထဲမှာ သယ်ဆောင်လာခဲ့ကြပါတယ်။