လာမယ့် ကာတာကမ္ဘာ့ဖလားပြိုင်ပွဲမှာ အင်္ဂလန်အသင်းက ချန်ပီယံနိုင်တယ်လို့ယုံကြည်ကြောင်း တိုက်စစ်မှူး ဝီလ်ဆင်က ပြောပါတယ်။

နယူးကာဆယ်တိုက်စစ်မှူးဟာ ပြိုင်ပွဲနီးကပ်ချိန်ရောက် မှ  အင်္ဂလန်အသင်းလူစာရင်းမှာ ပါဝင်လာခဲ့တာဖြစ်ပေမဲ့ လွန်ခဲ့တဲ့ ၄ လကတည်းက လက်ရွေးစင်မှာ ပြန်အရွေးချယ်ခံရလိမ့်မယ်လို့ ဒိုင်ယာရီစာအုပ်မှာ ရေးသားခဲ့ကြောင်း ဝီလ်ဆင်ကပြောပါတယ်။

ဝီလ်ဆင်ဟာ ဒဏ်ရာပြဿနာတွေကြောင့် လပေါင်းများစွာ အနားယူခဲ့ရပါသေးတယ်။ ဒါပေမဲ့ အောက်တိုဘာလအတွင်းမှာ ၄ ဂိုး သွင်းယူနိုင်ခဲ့ပြီး ကလပ်အသင်းကိုလည်း အဆင့်မြင့်မြင့်ရပ်တည်နိုင်အောင် စွမ်းဆောင်နိုင်ခဲ့ပြီးနောက် နည်းပြဆောက်ဂိတ်က ပြန်လည်ရွေးချယ်ခဲ့တာပါ။

အင်္ဂလန်အသင်းဟာ ကာတာကမ္ဘာ့ဖလားမှာ ချန်ပီယံဖြစ်နိုင်ပြီး ချန်ပီယံဖြစ်မယ်လို့ ရာနူန်းပြည့် ယုံကြည်ထားကြောင်းလည်း တိုက်စစ်မှူး ဝီလ်ဆင်က မှတ်ချက်ပေးသွားခဲ့ပါတယ်။