လက်ရှိကမ္ဘာ့ဖလားချန်ပီယံပြင်သစ်အသင်းရဲ့ လူစာရင်းမှာ ဒဏ်ရာပြဿနာကြောင့် ကစားသမားတွေ အစုံအလင် ပါဝင်နိုင်ခြင်းမရှိပေမဲ့ ရှိတဲ့ ကစားသမားတွေအပေါ် ယုံကြည်ကြောင်း နည်းပြဒတ်ရွှန့်က ပြောပါတယ်။

လက်ရှိကမ္ဘာ့ချန်ပီယံအသင်းမှာ အားထားရတဲ့တိုက်စစ်မှူးဘင်ဇီမာနဲ့ လိုက်ဇစ်မှာ ခြေစွမ်းပြခဲ့တဲ့ တိုက်စစ်ကစားသမား အမ်ကမ်ကူတို့က ဒဏ်ရာပြဿနာတွေကြောင့် လူစာရင်းကနေ နုတ်ထွက်ခဲ့ရတာပါ။

အလားတူ ပေါ့ဘာ၊ ကန်တေ၊ ကင်ပမ်ဘီတို့လို အမာခံကစားသမားတွေဟာလည်း ဒဏ်ရာကြောင့် ရွေးချယ်နိုင်ခြင်းမရှိခဲ့ပါဘူး။

အဲဒီအပေါ်မှာ နည်းပြ ဒတ်ရွှန့်ကတော့ စိုးရိမ်စရာမရှိကြောင်းနဲ့ အသင်းမှာ ဦးဆောင်နိုင်တဲ့က စားသမားတွေရှိပြီး ဖြစ်နိုင်သမျှ အရာအားလုံးကိုလည်းပြင်ဆင်ထားပြီး ဖြစ်တယ်လို့ နည်းပြ ဒတ်ရွှန့်ကပြောပါတယ်။

အခုနှစ်ကမ္ဘာ့ဖလားမှာ ကစားသမား ၂၅ ဦးအထိ ခေါ်ယူခွင့်ရှိတာကြောင့် ကြုံလာသမျှ စိန်ခေါ်မှုတွေနဲ့ အခက်အခဲတွေကို ရှိတဲ့ကစားသမားတွေနဲ့ ဖြေရှင်းနိုင် စွမ်းရှိကြောင်း နည်းပြဒတ်ရွှန့်စ်က ပြောသွားပါတယ်။