ဆော်ဒီအာရေဗျနိုင်ငံဟာ စီးပွားရေးပြိုင်ဘက်ဖြစ်တဲ့ အမေရိကန်နဲ့ တရုတ်နှစ်နိုင်ငံစလုံးနဲ့ ပူးပေါင်းဆောင်ရွက်ချင်တယ်လို့ ဆော်ဒီနိုင်ငံခြားရေးဝန်ကြီးကပြောကြားခဲ့ပြီး ပြိုင်ဆိုင်မှု အားကောင်းနေပေမယ့် ကွဲပြားမှုမရှိဘူးလို့ ဆိုပါတယ်။ 

ရီယာ့ဒ်မြို့တော်မှာ ကျင်းပတဲ့ တရုတ်-အာရပ် ထိပ်သီးဆွေးနွေးပွဲ အပြီး ဒီဇင်ဘာ ၉ ရက်မှာ ခုလိုပြောလိုက်တာပါ။

အရှေ့အလယ်ပိုင်းရဲ့ မျှော်မှန်းချက်အနေနဲ့ ကမ္ဘာ့အင်အားကြီး နိုင်ငံတွေရဲ့ အဓိကမိတ်ဖက်အဖြစ် ပြသတဲ့ "မှတ်တိုင်" နှစ်ရပ်ရဲ့ ပထမဆုံး အာရပ်ထိပ်သီးအစည်းအဝေးမှာ တရုတ် သမ္မတ ရှီကျင့်ဖျင်ဟာ ဆော်ဒီအိမ်ရှေ့စံမင်းသား မိုဟမ်မဒ် ဘင် ဆယ်လ်မန်ကို တွေ့ဆုံခဲ့ပါတယ်

ဆော်ဒီအာရေဗျမှာ ဂုဏ်ယူဝမ်းမြောက်စွာ ကြိုဆိုခံခဲ့ရတဲ့ ရှီဟာ စွမ်းအင်ကြွယ်ဝတဲ့ ခြောက်နိုင်ငံ ပင်လယ်ကွေ့ ပူးပေါင်းဆောင်ရွက်ရေးကောင်စီနဲ့ ဒီဇင်ဘာ ၉ ရက်က မတွေ့ဆုံမီ တစ်ရက်အလိုမှာ ကမ္ဘာ့ထိပ်တန်းရေနံတင်ပို့သူ ဆော်ဒီနဲ့ မဟာဗျူဟာမြောက်မိတ်ဖက်သဘောတူ စာချုပ်ကို လက်မှတ်ရေးထိုး ခဲ့ပါတယ်။ 

မင်းသား ဖိုင်ဆယ် ဘင် ဖှာဟန် အယ်လ်ဆွတ်ကတော့ ရုရှား-အမေရိကန်ကြား အကျဉ်းသား ဖလှယ်ရေးမှာ ဆော်ဒီက ကြားဝင် ဖြန်ဖြေရေး ကြိုးပမ်းမှုတွေကို အမေရိကန် အစိုးရက ငြင်းဆိုထားတဲ့ အရေးနဲ့ ပတ်သက်ပြီး သတင်းစာ ရှင်းလင်းပွဲတွင် မေးမြန်းခံခဲ့ရပါတယ်။

အမေရိကန်ဘတ်စကက်ဘောကြယ်ပွင့် ဘရစ်နေး ဂရင်နာကို လွှတ်ပေးဖို့  အိမ်ရှေ့ မင်းသား မိုဟမ်မဒ် ဘင် ဆယ်လ်မန်ရဲ့ "ကိုယ်ရေးကိုယ်တာ ကြားဝင်ဖျန်ဖြေရေး ကြိုးပမ်းမှု" ကို သတိပြုမိ တယ်လို့ မင်းသား ဖိုင်ဆယ်က ပြောခဲ့ပါတယ်။