အခုနှစ်ပရီးမီးယားလိဂ်ပွဲစဉ်တွေ ကစားပြီးသလောက်မှာ Video Assistant Referees ခေါ် VAR  ရဲ့ မှားယွင်းတဲ့ဆုံးဖြတ်ချက် ၆ ကြိမ်ရှိခဲ့ကြောင်း တာဝန်ရှိသူတွေက ဝန်ခံခဲ့ပါတယ်။

လက်ရှိပရီးမီးယားလိဂ်ပွဲစဉ်တွေ ပြီးတဲ့အထိ VAR နဲ့ စစ်ဆေးဆုံးဖြတ်မှုအကြိမ်အရေအတွက် ၄၈ ကြိမ်ရှိခဲ့ရာမှာ ၄၂ ကြိမ်က မှန်ကန်ခဲ့ပြီး ၆ ကြိမ်က မှားယွင်းခဲ့တာဖြစ်ပါတယ်။

မန်ယူအသင်းဘက်ကို သွင်းယူခဲ့တဲ့ အာဆင်နယ်ကစားသမား မာတင်နယ်လီရဲ့ သွင်းဂိုးကို ခွင့်မပြုခဲ့တာက  မှားယွင်းခဲ့တဲ့ ၆ ကြိမ်ထဲက တစ်ခုလို့ ESPN သတင်းမှာ ဖော်ပြခဲ့ပါတယ်။

အဲဒီပွဲစဉ်မှာ မန်ယူအသင်းကအနိုင်ရခဲ့ပြီး ပွဲအစ ၁၂ မိနစ်မှာ မာတင်နယ်လီက ဂိုးသွင်းခဲ့ပေမဲ့ VAR နဲ့ စစ်ဆေးခဲ့ပြီးနောက် အိုဒီဂတ်က အဲရစ်ဆန်ကို ပြစ်ဒဏ်ဘော ကျူးလွန်ခဲ့တယ်လို့ ဆုံးဖြတ်ပြီး ဂိုးမပေးခဲ့တာပါ။

တခြားအမှားအယွင်းတွေကတော့ ဘယ်ပွဲစဉ်တွေမှာဖြစ် ခဲ့သလဲဆိုတာ မသိရှိရသေးပါဘူး။