မန်ယူအသင်းနဲ့ ကစားရမယ့် လိဂ်ဖလားဗိုလ်လုပွဲစဉ်မှာ အကောင်းဆုံးလက်စွမ်းပြပြီး လူတွေကို သက်သေပြဖို့ ဂိုးသမား ကားရီးယက်စ်ကို တိုက်စစ်မှူး ဝီလ်ဆင်က တိုက်တွန်းပါတယ်။

နယူးကာဆယ်အသင်းဟာ ပထမဂိုးသမား နစ်ပုတ် ပွဲပယ်ပြစ်ဒဏ်ကြောင့် လွဲချော်မှာဖြစ်သလို ဒုတိယဂိုးသမား ဒူဘရက်ကာဟာလည်း မန်ယူအသင်းနဲ့ လိဂ်ဖလားပွဲ ကစားခဲ့တာကြောင့် လွဲချော်မှာပါ။

ဒါကြောင့် လိဂ်ဖလားဗိုလ်လုပွဲဟာ တချိန်တုန်းက ချန်ပီယံလိဂ်ဗိုလ်လုပွဲမှာ အမှားအယွင်း များခဲ့တဲ့ ဂိုးသမား ကားရီးယက်စ်အတွက် သက်သေပြနိုင်ဖို့ အခွင့်အရေးဖြစ်ကြောင်း အသင်းဖော် တိုက်စစ်မှူး ဝီလ်ဆင်က ပြောပါတယ်။

ဂျာမန်ဂိုးသမားဟာ လွန်ခဲ့တဲ့ ၅ နှစ်က ချန်ပီယံလိဂ် ဗိုလ်လုပွဲမှာ အမှားများခဲ့လို့ ဝေဖန်မှုတွေနဲ့ ရင်ဆိုင်ခဲ့ရတာပါ။

အဲဒီပွဲစဉ်ဟာ ကားရီးယက်စ်ရဲ့ ကစားသမားဘဝကို နိမ့်ဆင်းသွားစေခဲ့တာကြောင့် အခုကန်မယ့် လိဂ်ဖလားဗိုလ်လုပွဲမှာ လက်စွမ်းပြသပြီး သက်သေပြဖို့လိုကြောင်း ဝီလ်ဆင်က ပြောခဲ့တာ ဖြစ်ပါတယ်။