မန်ယူအသင်းဟာ အသင်းကိုရောင်းချမယ့်ကိစ္စကို ရာသီကုန်အထိ ဆိုင်းငံ့ထားမယ်လို့ သတင်းထွက်လာပါတယ်။

မန်ယူအသင်းကို ပေါင် ၆ ဘီလီယံနဲ့ အရောင်းစာရင်းတင်ထားပေမဲ့ ကာတာရင်းနှီးမြှုပ်နှံမှုအဖွဲ့နဲ့ ဗြိတိန်လုပ်ငန်းရှင် ဆာဂျင်ရတ်ကလစ်ဖ်တို့က ပေါင် ၄ ဒသမ ၅ ဘီလီယံထက် ပိုပြီး ပေးချေလိုခြင်း မရှိဘူးလို့ သိရပါတယ်။

ဒါ့အပြင် မန်ယူအသင်းပိုင်ရှင်တွေဖြစ်တဲ့ ဂလေဇာမိသားစုဝင် ခြောက်ဦးကြားမှာလည်း သဘောထားကွဲလွဲမှုတွေ ရှိတာကြောင့် အသင်းကိုရောင်းချမယ့် အစီအစဉ်ကို ရာသီကုန်အထိ ဆိုင်းငံ့လိုက်တာဖြစ်တယ်လို့ ဂါးဒီးယန်းသတင်းစာက ဖော်ပြပါတယ်။