close

X factor ကြယ်ပွင့် မေရီဘရင်း ကားတိုက်မှုဖြစ်ပြီး ဆေးရုံရောက်

Photo- The Irish Sun

အသက် ၆၃ နှစ်အရွယ် X factor အကျော်အမော် မေရီဘရင်းရဲ့ ခရီးသွားဘတ်စ်ကားဟာ မေလ ၃ ရက် ည ၁ နာရီလောက်က လော်ရီကားနဲ့တိုက်မိပြီး လက်မောင်းဒဏ်ရာ၊ ကျောနဲ့ လည်ပင်းတစ်ရှူးတွေ ထိခိုက်ကာ ဆေးရုံကို အမြန်ပို့ဆောင်ခဲ့ရတယ်လို့ ထုတ်ပြန်ချက်အရ သိရပါတယ်။

မေရီက “လော်ရီကားမောင်းသူက သူ့ရှေ့ကိုဖြတ်ပြေးတဲ့ သမင်ကို ရှောင်လိုက်တာ၊ ဒါပေမဲ့ သမင်ကို သတ်လိုက်မိပြီး ဘရိတ်မမိတော့ဘဲ ကျမတို့ကားကို တိုက်မိတာ။ ကျမတို့ကားရဲ့ အရှေ့ခြမ်းတခုလုံး စုတ်ပြတ်သွားတယ်။ အင်ဂျင်လည်း ပျက်စီးသွားတယ်” လို့ ပြောပါတယ်။

စနေနေ့ အင်္ဂလန်မှာဖျော်ဖြေဖို့ ခရီးထွက်ခဲ့ကြတာဖြစ်‌ပေမဲ့ မတော်တဆမှုကြောင့် ဖျော်ဖြေပွဲကို ရပ်ဆိုင်းထားတာဖြစ်ပြီး မေရီကတော့ ထိုင်ခုံခါးပတ် ပတ်ထားတာကြောင့် ထိခိုက်မှုနည်းပေမဲ့ သူ ကြုံတွေ့ဖူးသမျှထဲမှာ ကြောက်စရာအကောင်းဆုံးပဲလို့ ဆိုပါတယ်။

“ဒီမတော်တဆမှုက ပေါက်ကွဲမှုတခုလိုပဲ၊ ကျမ အမေ၊ အဖေနဲ့ ကျမသမီး၊ ကျမချစ်တဲ့လူတွေ အားလုံး ခေါင်းထဲမှာ ပေါ်လာတော့တာပဲ” လို့ မေရီက ပြောပါတယ်။

အဆိုပါ ယာဉ်မတော်တဆမှုကြောင့် မေရီနဲ့ တွဲဖက်အဖွဲ့ဝင်တွေဖြစ်တဲ့ ဂျက်ဆီကာမာတင်၊ ရီဘီကာ၊ ဆူဆီ ဖန်ဝစ်ခ်၊ ဒါရိုက်တာ ကယ်လီဆမ်နဲ့ ကားမောင်းသူ ဂျင်ပယ်ရီ တို့ကိုလည်း ဆေးရုံကို အလျင်အမြန် ပို့ဆောင်ခဲ့ရပါတယ်။

Up