close

လီဗာပူးအသင်း အဆင့် ၄ အတွင်းမဝင်နိုင်ဟု ပြောခဲ့သည့်အပေါ် ဝီလ်ဆင် တောင်းပန်

အခုနှစ်ဘောလုံးရာသီမှာ လီဗာပူးအသင်းအနေနဲ့ အဆင့် ၄ အတွင်း မဝင်နိုင်ဘူးလို့ ပြောခဲ့တာ အတွက် တောင်းပန်ကြောင်း နယူးကာဆယ်တိုက်စစ်မှူး ဝီလ်ဆင်ကပြောပါတယ်။

The Footballer’s Football Podcast အစီအစဉ်မှာ ဝက်စ်ဟမ်းတိုက်စစ်မှူး အန်တိုနီယိုနဲ့ ဆွေးနွေးသုံးသပ်ချက်စကားဝိုင်းပြုလုပ်ခဲ့ရာမှာ ဝီလ်ဆင်က ပြောခဲ့တာပါ။

ပြီးခဲ့တဲ့လပိုင်းက လီဗာပူးအသင်းဟာ ထိပ်ဆုံး လေးသင်းစာရင်းမှာပါဝင်ဖို့ မဖြစ်နိုင်ကြောင်း  ဝီလ်ဆင်က သုံးသပ်ခဲ့တာပါ။

လက်ရှိအချိန်မှာ  လီဗာပူးက မန်ယူ အသင်းကို ၇ ဂိုးဂိုးမရှိနဲ့အနိုင်ယူပြီးနောက် နယူးကာဆယ်ထက် တစ်ပွဲပိုကစားပြီး ၁ မှတ်အသာရနေတာပါ။

ဝီလ်ဆင်ကတော့  လီဗာပူးအသင်းဟာ ထိပ်ဆုံးလေးသင်းစာရင်းဝင်ဖို့ မျှော်လင့်ခွင့်ရှိနေပြီး သူပြောခဲ့တာတွေနဲ့ ဆန့်ကျင်ဘက်ဖြစ်လာကြောင်း ပြောပါတယ်။ 

လီဗာပူးအသင်းဟာ လက်ကျန် ပွဲစဉ်တစ်ပွဲကို အနိုင်ရမယ်ဆိုရင် အဆင့်လေးနေရာက စပါးအသင်းကို ဂိုးကွာခြားချက် အသာနဲ့ ကျော်တက်နိုင်မှာဖြစ်ပါတယ်။

Up