ထိုင်းနိုင်ငံမြောက်ပိုင်း၊ နန့်ခရိုင်နဲ့ ချင်းမိုင်ခရိုင် အတွင်းက မြို့တချို့မှာ မတ်လ ၁၂ ရက်  ညနေပိုင်းက မိုးသည်းထန်စွာရွာသွန်းပြီး  မိုးသီးတွေကြွေကျခဲ့ပါတယ်။ 

နန့်ခရိုင်မှာဆိုရင် နန့်မြို့နယ်၊ ခွန်နန့်အုပ်စု၊ ဘန့်ပြိန်းဆော့၊ ဘန့်ဆကျွတ်၊ ဘန့်ဆကိန့် စတဲ့ရွာတွေမှာ မိုးသီးကျွေကျပြီး နန့်မြို့ တလတ်တို့ရုန့်ဈေးရှေ့ကလမ်းတွေ မိုးရေတိုက်စား ပျက်စီးခဲ့ပါတယ်။ 

ချင်းမိုင်ခရိုင်မှာတော့ အုမ်းကွယ်နဲ့ ဒွိုင်တော် စတဲ့မြို့နယ် ၂ ခုထဲမှာ မနေ့ ညနေ ၅ နာရီလောက်က မိုးရွာပြီး မိုးသီးတွေ ကြွေခဲ့ပါတယ်။ 

ထိုင်းမိုးဇလဌာနထုတ်ပြန်ချက်အရ ထိုင်းနိုင်ငံအရှေ့မြောက်ပိုင်း၊ မြောက်ပိုင်း၊ အလယ်ပိုင်း၊ အရှေ့ပိုင်းနဲ့ ဘန်ကောက်အနီးတဝိုက် စုစုပေါင်း ၃၃ ခရိုင်မှာ  မတ်လ ၁၄ ရက်နေ့ထိ မိုးရွာနိုင်ပြီး တချို့နေရာတွေမှာ မိုးကြီးလေကြီးရွာတာ၊ မိုးသီးကြွေတာ၊ လျှပ်စီးနဲ့ မိုးကြိုးပစ်တာတွေ ရှိမယ်လို့ ခန့်မှန်းထားပါတယ်။