စပါးအသင်းဟာ အဲဗာတန်အသင်းတန်းဆင်းခဲ့မယ်ဆိုရင် ဂိုးသမားပစ်ဖို့ဒ်ကိုခေါ်ယူဖို့ ပစ်မှတ်ထား လုပ်ဆောင်နေပါတယ်။

ပြီးခဲ့တဲ့ ကမ္ဘာ့ဖလားမှာ အင်္ဂလန်အသင်းရဲ့နံပါတ်တစ်ဂိုးသမားအဖြစ် တာဝန်ယူခဲ့တဲ့ ပစ်ဖို့ဒ်ဟာ အဲဗာတန်နဲ့ စာချုပ်သက်တမ်းတိုးထားတာမကြာသေးပေမဲ့ အသင်းက တန်းဆင်းခဲ့ရမယ်ဆိုရင်တော့ ပစ်ဖို့ဒ်ကို ထွက်ခွာခွင့်ပြုပေးရမှာဖြစ်ပါတယ်။

စပါးအသင်းဟာ အသက်အရွယ်ရလာပြီး အမှားအယွင်းတချို့ရှိတဲ့ ပြင်သစ်ဂိုးသမား ဟူဂိုလိုရစ်ရဲ့ နေရာမှာ အစားထိုးဖို့ အင်္ဂလန်ဂိုးသမားပစ်ဖို့ဒ်ကို နံပါတ်တစ်ပစ်မှတ်အဖြစ် သတ်မှတ်ထားတယ်လို့သိရပါတယ်။

အဲဗာတန်အသင်းတန်းဆင်းပါက ပစ်ဖို့ဒ်ကို လက်လွှတ်ပေးရမှာဖြစ်ပြီး ပြောင်းရွှေ့ကြေးပေါင် ၃၅ သန်း  သတ်မှတ်ထားတယ်လို့သိရပါတယ်။