နည်းပြပေါ်တာထုတ်ပယ်ခံရမှုအတွက် တာဝန်ခံမှုအပြည့်နဲ့ နိုင်ပွဲယူပေးဖို့ ချဲလ်ဆီးကစားသမား တွေကို ယာယီနည်းပြ ဘရူနိုဆယ်တာက တိုက်တွန်းပြောသွားပါတယ်။

လက်ထောက်နည်းပြ ဘရူနိုဟာ ဘရိုက်တန်အသင်းမှာကတည်းက နည်းပြပေါ်တာနဲ့လက်တွဲခဲ့ပြီး ချဲလ်ဆီးအသင်းဆီပြောင်းရွှေ့ချိန်မှာ နည်းပြပေါ်တာက ပြန်လည်ခေါ်ယူခဲ့တာပါ။

နည်းပြချုပ်ပေါ်တာနဲ့ နောက်ထပ် နည်းပြတစ်ဦးဖြစ်သူ ဘိုင်လီတို့ ထွက်ခွါသွားရတဲ့အပေါ် ဝမ်းနည်းမိပြီး သူတို့ဟာ ထိပ်တန်းနည်းပြတွေဖြစ် ကြောင်း၊ အသင်းကိုလွှဲပြောင်းတာဝန်ယူရတာ အလွန်ခက်ခဲ့ကြောင်း ယာယီနည်းပြ ဆယ်တာကပြောပါတယ်။

ဒါပေမဲ့ ပရော်ဖက်ရှင်နယ်တစ်ယောက်အနေနဲ့ အသင်းကို ကူညီပေးနိုင်ဖို့ လုပ်ဆောင်သွားရမှာဖြစ်ပြီး အသင်းမှာရှိတဲ့ လူတွေအားလုံးက ပေါ်တာအတွက် တာဝန်ခံမှုအပြည့်နဲ့ နိုင်ပွဲတွေရယူပေးဖို့ လိုအပ်ကြောင်း နည်းပြဘရူနိုဆယ်တာက တိုက်တွန်းသွားပါတယ်။