နည်းပြဂရေဟမ်ပေါ်တာဟာ ချဲလ်ဆီးအသင်းကနေ ထုတ်ပယ်ခံခဲ့ရပြီးနောက် လက်စတာ အသင်းရဲ့ ကမ်းလှမ်းချက်ရခဲ့ပေမဲ့ ငြင်းဆန်ခဲ့တယ်လို့သိရပါတယ်။

လက်စတာအသင်းဟာ ပြီးခဲ့တဲ့တစ်ပတ်က ခရစ္စတယ်ပဲလေ့ကိုရှုံးနိမ့်အပြီးမှာ နည်းပြရော်ဂျာနဲ့ လမ်းခွဲခဲ့တာပါ။

လစ်လပ်နေတဲ့ နည်းပြချုပ်ရာထူးအတွက် ချဲလ်ဆီးကနေ ထုတ်ပယ်ခံလိုက်ရတဲ့ နည်းပြပေါ်တာနဲ့ အစားထိုးဖို့ စီစဉ်ခဲ့တာပါ။

ဒါပေမဲ့ နည်းပြဂရေဟမ်ပေါ်တာဟာ အသင်းတစ်သင်းကို တာဝန်ယူဖို့ ဆန္ဒမရှိသေးဘဲ အနားယူချင်သေးတာကြောင့် လက်စတာရဲ့ ကမ်းလှမ်းချက်ကို ပယ်ချခဲ့တာလို့သိရပါတယ်။

လက်စတာအသင်းဟာ လောလောဆယ်မှာယာယီနည်းပြနှစ်ဦးနဲ့ လေ့ကျင့်နေပြီး ခြေစွမ်းတိုးတက်လာခြင်းမရှိဘူးဆိုရင် နည်းပြသစ် ဆက်လက်ရှာဖွေသွားမှာပါ။

လက်စတာဟာ နောက်ဆုံး ၆ ပွဲမှာ ၅ ပွဲရှုံး၊ တစ်ပွဲသရေကျခဲ့ပြီး အဆင့် ၁၉ မှာ ရောက်ရှိနေတာဖြစ်ပါတယ်။